- વોટ્સએપમાં આવશે બદલાવ
- બિઝનેસ યુઝર્સ માટે ખુશખબર
- નવું ફીચર કામ કરી રહ્યું છે વોટ્સએપ
હવે WhatsApp બિઝનેસ એકાઉન્ટના યુઝર્સ માટે એક નવું ફીચર કામ કરી રહ્યું છે, જે ‘ઓર્ડર્સ’ વિશે જણાવશે.આ વપરાશકર્તાઓ અને વ્યવસાય બંને માટે સમય અને નાણાં બચાવશે. આ અપડેટ iOS અને Android બંને વપરાશકર્તાઓ માટે ઉપલબ્ધ હશે, પરંતુ હાલમાં iOS પર ટેસ્ટિંગ કરવામાં આવી રહ્યું છે.
ઈન્સ્ટન્ટ મેસેજિંગ એપ વોટ્સએપ તેના યુઝર્સને નવો અનુભવ આપવા માટે એપને સતત અપગ્રેડ કરતું રહે છે. તેના સામાન્ય વપરાશકર્તાઓ ઉપરાંત મેટા માલિકીની કંપની, વ્હોટ્સએપ બિઝનેસ એકાઉન્ટ વપરાશકર્તાઓ માટે પણ સમયાંતરે નવી સુવિધાઓ શરૂ કરતી રહે છે. આ સાથે એપ્લિકેશન તેના ડિસઅપીયરિંગ થઈ ગયેલા સંદેશાઓની સમય મર્યાદામાં નવા ફેરફારો કરી રહી છે, જે તાજેતરમાં ટેસ્ટિંગ દરમિયાન જોવામાં આવ્યા છે.
WABetaInfo અનુસાર “તમારા દ્વારા ચોક્કસ ગ્રાહકો માટે આપવામાં આવેલ તમામ ઓર્ડર આ નવા સેક્શનમાં લિસ્ટેડ કરવામાં આવશે. ચેટ શેર એક્શન મેનૂ ખોલીને નવો ઓર્ડર બનાવવો શક્ય બનશે. આ મેનૂમાં ઓર્ડર્સ નામનો એક નવો વિકલ્પ ઉપલબ્ધ હશે, જે ઓર્ડરનું શીર્ષક, કિંમત અને જથ્થો દાખલ કરવાની મંજૂરી આપશે, પરંતુ આ હાલમાં ડેવલપ કરવામાં આવી રહ્યું છે.
