
ગુજરાત યુનિવર્સિટીમાં એડમિશન પોર્ટલનો છબરડો, વિદ્યાર્થીઓને ગર્લ્સ કોલેજમાં પ્રવેશ અપાયો
અમદાવાદઃ ગુજરાતમાં આ વર્ષથી તમામ સરકારી યુનિવર્સિટીમાં કોમન પોર્ટલ પર રજિસ્ટ્રેશન કરાવ્યા બાદ વિદ્યાર્થીઓને પ્રવેશ ફાળવવામાં આવ્યો છે. જેમાં ગુજરાત યુનિવર્સિટીના યુજી કોર્સિસના કોમન એડમિશનમાં મોટો છબરડો સામે આવ્યો છે. વિદ્યાર્થીઓને ગર્લ્સ કોલેજમાં એડમિશન ફાળવાતા વિવાદ ઊભો થયો છે. જીકાસની એજન્સી અને સમર્થના પોર્ટનમાં કોઈ વેરિફિકેશન સિસ્ટમ ન હોવાથી વિદ્યાર્થીઓને તેમની ચોઈસ મુજબ એડમિશન ફાળવી દેવાતા જેને કારણે ગર્લ્સ કોલેજમાં વિદ્યાર્થીઓને એડમિશન ફાળવી દેવાયા હોવાનું કહેવાય છે.
ગુજરાતમાં આ વર્ષથી તમામ સરકારી યુનિવર્સિટીમાં વિદ્યાર્થીઓને કોમન એડમિશન પોર્ટલથી એડમિશન આપવામાં આવ્યા છે. આ પોર્ટલ પર એડમિશન માટે વિદ્યાર્થીઓને કોલેજની પ્રેફરન્સ આપવાની હોય છે. તેથી કેટલાક વિદ્યાર્થીઓએ ભૂલથી ગુજરાત યુનિ સંલગ્ન ગર્લ્સ કોલેજમાં એડમિશન ચોઈસ આપી હતી. વિદ્યાર્થીઓએ એડમિશનની પોતાની ચોઈસ તો બતાવી દીધી, પરંતુ બીજી તરફ યુનિવર્સિટીના જીકાસ પોર્ટલ પર તેના વેરિફિકેશન માટે કોઈ જ સિસ્ટમ નથી. આ કારણે એડમિશનના પ્રથમ રાઉન્ડમાં ગર્લ્સ કોલેજમાં કેટલીક સીટ છોકરાઓને ફાળવી દેવામાં આવતા વિવાદ ઊભો થયો છે.
ગુજરાત યુનિ સંલગ્ન એક ગર્લ્સ કોલેજમાં 300 વિદ્યાર્થીઓને એડમિશન મળી ગયુ છે. આ બેઠકો વિદ્યાર્થિનીઓ માટે હતી, તેના બદલે વિદ્યાર્થીઓને એડમિશન મળ્યું છે. જેથી 300 સીટ પર વિદ્યાર્થિનીઓ એડમિશનથી વંચિત રહી છે. ગુજરાત યુનિ.દ્વારા હવે ગર્લ્સ કોલેજોમાં સુપર ન્યુમરી સીટ આપવી પડે તેવી સ્થિતિ ઊભી થઈ છે. ત્યારે ગુજરાત યુનિવર્સિટી પોતાની ભૂલ જલ્દીથી બદલે સુધારે તે જરૂરી છે. આમ, પોર્ટલમાં ખામીને કારણે એડમિશન પ્રોસેસ પર મોટી અસર પડી છે. સાથે જ હવે વિદ્યાર્થીઓ અને વિદ્યાર્થિનીઓને બંનેને બીજા રાઉન્ડમાં પ્રવેશ મળશે. પરંતુ તેમની ચોઈસ મુજબ નહિ. એવું કહેવાય છે.