નવી દિલ્હી, 30 જુલાઈ 2026: Heavy rain in Delhi and UP હવામાન વિભાગે 30 જુલાઈ, 2026ના રોજ દેશના વિવિધ ભાગોમાં ભારે વરસાદ અને વાવાઝોડાની આગાહી કરી છે. આગામી નવ કલાક દરમિયાન દિલ્હી, ઉત્તર પ્રદેશ અને બિહાર સહિત 14 રાજ્યોમાં તેજ પવન (60 કિમી/કલાક સુધીની ગતિ) સાથે ભારે વરસાદ થવાની શક્યતા છે.
હવામાન વિભાગના જણાવ્યા અનુસાર, અનેક વિસ્તારો માટે ‘યલો એલર્ટ’ જાહેર કરવામાં આવ્યું છે, જેમાં ગાજવીજ સાથે ભારે વરસાદ અને 40-60 કિમી/કલાકની ઝડપે પવન ફૂંકાવાની ચેતવણી આપવામાં આવી છે. દિલ્હી-એનસીઆર, ઉત્તર પ્રદેશ, બિહાર, રાજસ્થાન, મધ્ય પ્રદેશ, ઝારખંડ, પંજાબ, હરિયાણા, હિમાચલ પ્રદેશ અને ઉત્તરાખંડ સહિતના અનેક રાજ્યોમાં વરસાદની અસર થવાની શક્યતા છે.
હવામાન વિભાગના જણાવ્યા અનુસાર, ગુરુવારે રાજ્યના વિવિધ વિસ્તારોમાં ભારે વરસાદ અને વીજળી પડવાની ચેતવણી આપવામાં આવી છે. બંગાળની ખાડીમાંથી સતત આવતા ભેજ અને ચોમાસાની સક્રિયતાને કારણે 1 ઓગસ્ટ સુધી વરસાદનો દોર ચાલુ રહેવાની આગાહી કરવામાં આવી છે.
હવામાન વિભાગના જણાવ્યા અનુસાર, પૂર્વી, મધ્ય અને પશ્ચિમ ઉત્તર પ્રદેશના અનેક જિલ્લાઓમાં ગાજવીજ સાથે ભારેથી અતિ ભારે વરસાદની શક્યતા છે. આ વરસાદની અસર લખનૌ, કાનપુર, ગોરખપુર, વારાણસી અને નોઈડા સહિતના વિવિધ શહેરોમાં જોવા મળશે.
આગામી 24 કલાક દરમિયાન કેટલાક વિસ્તારોમાં ખૂબ ભારે વરસાદ પણ નોંધાઈ શકે છે. IMD હવામાન પર સતત નજર રાખી રહ્યું છે.
હવામાન વિભાગે સામાન્ય જનતાને સતર્ક રહેવાની સલાહ આપી છે. ખાસ કરીને ખેતરોમાં કામ કરતા ખેડૂતો, દ્વિ-ચક્રી વાહનચાલકો અને મુસાફરોએ સાવચેતી રાખવાની જરૂર છે.
આસામમાં પૂર: અત્યાર સુધીમાં 78 લોકોનાં મોત
આસામમાં પૂરને કારણે મૃત્યુઆંક વધીને 78 થયો છે અને હાલમાં સાત જિલ્લાઓ તેનાથી પ્રભાવિત છે. પૂરથી અસરગ્રસ્ત જિલ્લાઓમાં શિવસાગર, ચરાઈદેવ, ગોલાઘાટ, જોરહાટ, નાગાંવ, બિશ્વનાથ અને કામરૂપ (મેટ્રો)નો સમાવેશ થાય છે. કુલ 21 રેવન્યુ સર્કલ્સ (RCs) અને 551 ગામો પ્રભાવિત થયા છે, જેનાથી 3,00,031 લોકો પર અસર પડી છે.
પૂરના પાણીથી અસરગ્રસ્ત જિલ્લાઓમાં 21,23.08 હેક્ટર જેટલો પાક વિસ્તાર પણ પ્રભાવિત થયો છે. પૂરની વર્તમાન સ્થિતિને કારણે ત્રણ લોકોએ જીવ ગુમાવ્યા છે. જેમાં શિવસાગરમાં બે અને ગોલાઘાટમાં એક વ્યક્તિનો સમાવેશ થાય છે.
વધુ વાંચો: નાગાલેન્ડના મોકોકચુંગમાં ભૂસ્ખલનને કારણે બે કિશોર ભાઈઓના મોત
