- ભારત અને બાંગ્લાદેશનો ઐતિહાસિક નિર્ણય
- હવે રૂપિયા અને ટાકામાં સીધો વેપાર થશે
- નિકાસ કરવામાં આવતી રકમ લગભગ બે અબજ ડોલર
દિલ્હી : ભારત અને બાંગ્લાદેશે બંને દેશો વચ્ચે કોમર્શિયલ લેવડદેવડમાં ઐતિહાસિક નિર્ણય લીધો છે. બંને દેશોએ નક્કી કર્યું છે કે હવેથી તેઓ ભારતીય રૂપિયા અને બાંગ્લાદેશી ટાકામાં વ્યાપારી વ્યવહારો કરશે. બાંગ્લાદેશથી ભારતમાં નિકાસ કરવામાં આવતી રકમ લગભગ બે અબજ ડોલર છે. બીજા શબ્દોમાં કહીએ તો, બંને દેશો ટાકા અને રૂપિયામાં બે અબજ ડોલરના વ્યવહારો પૂર્ણ કરશે. ત્રિપુરા ઈમ્પોર્ટ-એક્સપોર્ટ બિઝનેસ સોસાયટીના જણાવ્યા અનુસાર આના પરિણામે બંને દેશોનો આયાત-નિકાસ વેપાર વધશે.
ગયા નાણાકીય વર્ષમાં બાંગ્લાદેશની ભારતમાંથી આયાત લગભગ 13.69% હતી. તેમાંથી $2 બિલિયન રૂપિયામાં ટ્રાન્ઝેક્શન કરવામાં આવશે, પરંતુ બાકીની રકમ હંમેશની જેમ યુએસ ડૉલરમાં ચૂકવવામાં આવશે. બંને દેશોના બેંક અધિકારીઓએ જણાવ્યું કે વૈશ્વિક આર્થિક સંકટને કારણે બંને દેશોએ અલગ-અલગ દેશોમાં ડોલરની કટોકટીનો સામનો કરવા માટે આ નિર્ણય લીધો છે.
હવેથી બંને દેશો કોઈપણ ત્રીજા ચલણને સામેલ કર્યા વિના ટાકા-રૂપિયામાં સીધો વેપાર કરશે. હવે બાંગ્લાદેશની સોનાલી બેંક અને ઈસ્ટર્ન બેંક સ્ટેટ બેંક ઓફ ઈન્ડિયા અને ICICI બેંકમાં એકબીજાના ચલણમાં વ્યવહાર કરવા માટે ખાતા ખોલશે. બંને ભારતીય બેંકો પણ બે બાંગ્લાદેશી બેંકોમાં સમાન ખાતા ખોલશે.
ઉલ્લેખનીય છે કે, આ ઐતિહાસિક નિર્ણયથી ભારત અને બાંગ્લાદેશને ઘણો ફાયદો થશે.આ સાથે બંને દેશોનો આયાત-નિકાસ વેપાર વધશે.આમ, બંને દેશમાં બે-બે ખાતા ખોલશે.
