નવી દિલ્હી, 23 જુલાઈ 2026: ભારત અને ઈંગ્લેન્ડ વચ્ચેની ત્રણ મેચની વન-ડે શ્રેણી બાદ, ઈન્ટરનેશનલ ક્રિકેટ કાઉન્સિલ (ICC) એ બેટ્સમેનો માટેના વન-ડે રેન્કિંગ જાહેર કર્યા છે. ઈંગ્લેન્ડ સામેની ત્રીજી વન-ડે બાદ ભારતીય કેપ્ટન શુભમન ગિલ વિશ્વના નંબર-વન બેટ્સમેન બનશે તેવી દેશભરમાં અપેક્ષા હતી. ગિલે ત્રીજી વન-ડેમાં 77 રનની ઇનિંગ્સ રમી હતી અને ઈંગ્લેન્ડ સામેની ત્રણ મેચની શ્રેણીમાં કુલ 188 રન બનાવ્યા હતા. જોકે, આ શાનદાર પ્રદર્શન છતાં ગિલ વિશ્વના નંબર-1 વન-ડે બેટ્સમેન બનવાનું ચૂકી ગયો. રસપ્રદ વાત એ છે કે, તે ટોચના ક્રમે રહેલા ડેરીલ મિશેલ કરતાં માત્ર એક રેટિંગ પોઈન્ટ પાછળ છે.
તાજેતરના ICC રેન્કિંગમાં, શુભમન ગિલ 801 રેટિંગ પોઈન્ટ્સ સાથે બીજા સ્થાને છે, જ્યારે ટોચનું સ્થાન ધરાવતા ન્યુઝીલેન્ડના ડેરીલ મિશેલ પાસે 802 પોઈન્ટ્સ છે. ગિલ નંબર-વન રેન્કિંગની અત્યંત નજીક પહોંચી ગયો હતો પરંતુ અંતે સહેજ માટે ચૂકી ગયો. ઈંગ્લેન્ડ સામેની બીજી વન-ડે મેચમાં 80 રન બનાવ્યા બાદ તેણે ઈજાને કારણે મેદાન છોડવું પડ્યું હતું; જો તેણે તે મેચમાં સદી ફટકારી હોત અને લાંબી ઈનિંગ રમી હોત, તો કદાચ આજે તે વિશ્વનો નંબર-વન બેટ્સમેન હોત.
ICC રેન્કિંગમાં રોહિત અને વિરાટ ચમક્યા
19 જુલાઈએ ઐતિહાસિક લોર્ડ્સના મેદાન પર ઈંગ્લેન્ડ સામેની ત્રીજી વન-ડેમાં 138 રનની ઇનિંગ્સ રમનાર રોહિત શર્મા તાજેતરના રેન્કિંગમાં ચોથા સ્થાને છે. તેની પાસે 758 રેટિંગ પોઈન્ટ્સ છે. બીજી તરફ, ઈંગ્લેન્ડ શ્રેણી દરમિયાન બે અડધી સદી ફટકારનાર વિરાટ કોહલી ત્રીજા ક્રમે છે. ટોચના ચારમાં ત્રણ ભારતીય બેટ્સમેનોનો સમાવેશ થાય છે: બીજા ક્રમે શુભમન ગિલ, ત્રીજા ક્રમે વિરાટ કોહલી અને ચોથા ક્રમે રોહિત શર્મા.
જો રૂટ 6 વર્ષ બાદ ટોચના 10માં પરત ફર્યા
ભારત સામેની ત્રણ મેચની શ્રેણી દરમિયાન દરેક મેચમાં અણનમ રહીને કુલ 249 રન બનાવ્યા બાદ, જો રૂટ છ વર્ષ પછી વન-ડે બેટિંગ રેન્કિંગના ટોચના 10 ખેલાડીઓમાં ફરીથી સામેલ થયા છે. 2020 પછી ટોચના 10માં તેમનું આ પ્રથમ સ્થાન છે; તાજેતરના રેન્કિંગમાં તેઓ 674 પોઈન્ટ સાથે આઠમા ક્રમે છે.
 એ બેટ્સમેનો માટેના વન-ડે રેન્કિંગ જાહેર કર્યા છે.){kind=link}