ભારત દેશ સ્વદેશી ચીજવસ્તુઓના ઉપયોગથી એક નવી ક્રાંતિનું બન્યું સાક્ષીઃ ‘રાષ્ટ્રીય હેન્ડલૂમ ડે પર PM મોદી
દિલ્હીઃ- વડાપ્રધાન નરેન્દ્ર મોદીએ ‘રાષ્ટ્રીય હેન્ડલૂમ ડે’ની ઉજવણીમાં ભાગ લીધો હતો. આ પ્રસંગે પીએમ મોદીએ કહ્યું કે આપણાં કપડાં, આપણો પહેરવેશ આપણી ઓળખ સાથે જોડાયેલો છે. દેશના અંતરિયાળ વિસ્તારોમાં રહેતા આદિવાસી સાથીઓથી માંડીને હિમાચ્છાદિત પર્વતો સુધી, રણથી લઈને દરિયાઈ વિસ્તારો અને ભારતના મેદાનો સુધી, આપણને વસ્ત્રોનું સુંદર મેઘધનુષ્ય મળ્યું છે.
વડા પ્રધાન નરેન્દ્ર મોદી આજે બપોરે 12 વાગ્યે 9મા રાષ્ટ્રીય હાથશાળ દિવસની ઉજવણીમાં ભાગ લીધો હતો. આ સમારોહ ભારત મંડપમ, પ્રગતિ મેદાન,આ કાર્યક્રમ દરમિયાન પીએમ મોદી ‘ભારતીય કાપડ અને હસ્તકલા ફંડ’ના ઈ-પોર્ટલને પણ લોન્ચ કર્યું હતું – જે કાપડ અને હસ્તકલાનો ભંડાર નેશનલ ઈન્સ્ટિટ્યૂટ ઓફ ફેશન ટેક્નોલોજી દ્વારા વિકસિત કરવામાં આવ્યું છે.
રાષ્ટ્રીય હેન્ડલૂમ દિવસના અવસરે પીએમ મોદીએ કહ્યું કે થોડા દિવસો પહેલા ભારત મંડપમનું ઉદ્ઘાટન કરવામાં આવ્યું હતું અને આજે આપણે આ ભારત મંડપમમાં રાષ્ટ્રીય હેન્ડલૂમ દિવસની ઉજવણી કરી રહ્યા છીએ. ભારત મંડપમની આ ભવ્યતામાં ભારતના હેન્ડલૂમ ઉદ્યોગની પણ મહત્વની ભૂમિકા છે.
આ કાર્યક્રમમાં 3000 થી વધુ હેન્ડલૂમ અને ખાદી વણકરો, કારીગરો અને ટેક્સટાઇલ અને MSME ક્ષેત્રના હિતધારકો આ ઇવેન્ટમાં ભાગ લીઘો હતો તે સમગ્ર ભારતમાંથી હેન્ડલૂમ ક્લસ્ટરો, NIFT કેમ્પસ, વીવર્સ સર્વિસ સેન્ટર્સ, ઈન્ડિયન ઈન્સ્ટિટ્યૂટ ઓફ હેન્ડલૂમ ટેક્નોલોજી કેમ્પસ, નેશનલ હેન્ડલૂમ ડેવલપમેન્ટ કોર્પોરેશન, હેન્ડલૂમ એક્સપોર્ટ પ્રમોશન કાઉન્સિલ, KVIC સંસ્થાઓ અને વિવિધ રાજ્ય હેન્ડલૂમ વિભાગોને એકસાથે લાવવા માટે પ્લેટ ફોર્મ પુરુ પાડ્યું છે.
નવા સાથે પ્રાચીનનો આ સંગમ આજના ભારતની વ્યાખ્યા કરે છે. આઝાદી માટે આપેલા દરેક બલિદાનને યાદ કરવાનો આ સમય છે. આ દિવસે ‘સ્વદેશી ચળવળ’ શરૂ થઈ. સ્વદેશીની આ ભાવના માત્ર વિદેશી વસ્ત્રોના બહિષ્કાર પૂરતી જ સીમિત ન હતી, પરંતુ તે આપણી આર્થિક સ્વતંત્રતા માટે એક મહાન પ્રેરક હતી. ભારતના લોકોને તેના વણકર સાથે જોડવાનું આ અભિયાન હતું.
tags:
pm modi