અમદાવાદ, 21 ઓગસ્ટ, 2026 – ઇન્ડિયા એસએમઇ ફોરમ તથા એક્સિસ બેંક દ્વારા ગુજરાતના વિકાસમાં યોગદાન આપતા ટોચના 50 SMEsનું સન્માન કરવામાં આવ્યું છે. આ સન્માન સમારંભ શહેરની એક જાણીતી હોટેલમાં ગુજરાતના રાજ્યકક્ષાના નાણામંત્રી શ્રી કમલેશભાઈ પટેલ, દેશના જાહેરખબર ક્ષેત્રના દિગ્ગજ પ્રહલાદ કક્કડ સહિત અગ્રણીઓની ઉપસ્થિતિમાં યોજાયો હતો.
India SME Forum અને Axis Bankની સંયુક્ત પહેલ
ગુજરાત લાંબા સમયથી તેના ઉદ્યોગસાહસિક સ્વભાવ, મેન્યુફેક્ચરિંગ ક્ષમતા અને ભૌગોલિક સીમાઓને પાર સ્પર્ધા કરી શકે તેવી બિઝનેસ બનાવવાની ક્ષમતા માટે ઓળખાય છે. India SME Forum અને Axis Bankની સંયુક્ત પહેલ દ્વારા જે ઉદ્યોગોએ અસાધારણ પ્રદર્શન, સ્થિરતા, નવીનતા અને ભવિષ્યમાં વૃદ્ધિ માટેની ક્ષમતા દર્શાવી છે, તેવા 50 ઉદ્યોગોને “ગુજરાતના ટોચના 50 SMEs 2026” તરીકે સન્માનિત કરવામાં આવ્યા.
Top 50 SME Gujarat 2026 સન્માનને વિશિષ્ટ બનાવે છે, આ માત્ર અંતિમ 50 વિજેતાઓની યાદી નહીં, પરંતુ તેમની પસંદગી સુધી પહોંચતી બહુસ્તરીય અને સચોટ મૂલ્યાંકન પ્રક્રિયાની વ્યાપકતા અને ગંભીરતા છે.
10 જિલ્લાના 1500 ઉદ્યોગકારોમાંથી પસંદગી
આ પહેલ હેઠળ સમગ્ર ગુજરાતમાંથી ઉદ્યોગોને પોતાને નોંધાવવા આમંત્રણ આપવામાં આવ્યું હતું. કુલ 1,498 ઉદ્યોગોએ ભાગ લીધો, જે રાજ્યના 32 ક્ષેત્રો અને 10 જિલ્લાઓનું પ્રતિનિધિત્વ કરે છે. પ્રારંભિક નોંધણી તબક્કા પછી 350 ઉદ્યોગોએ પ્રથમ સ્તરની ડ્યુ ડિલિજન્સ પ્રક્રિયામાં સફળતા મેળવી.
પ્રથમ તબક્કામાં બિઝનેસ પ્રોફાઇલ, કામગીરીનો ટ્રેક રેકોર્ડ, નાણાકીય પ્રદર્શન, વ્યાપ, રોજગાર સર્જન તેમજ અન્ય પાત્રતા અને વિશ્વસનીયતા સંબંધિત માપદંડોના આધારે મૂલ્યાંકન કરવામાં આવ્યું. આ મૂલ્યાંકન બાદ 144 ઉદ્યોગોએ બીજા તબક્કા માટે ક્વોલિફાય કર્યું.
બીજા તબક્કામાં પસંદ કરાયેલા ઉદ્યોગોનું વધુ ઊંડાણપૂર્વક મૂલ્યાંકન કરવામાં આવ્યું, જેમાં તેમના બિઝનેસ પ્રદર્શન, વૃદ્ધિની દિશા, બજારમાં હાજરી, નવીનતા, રોજગાર યોગદાન અને કુલ બિઝનેસ ક્ષમતાનું વિશ્લેષણ કરવામાં આવ્યું.
અંતિમ પસંદગીની પ્રક્રિયા
અંતે આ પસંદગી યાદી એક સ્વતંત્ર જ્યુરી સમક્ષ રજૂ કરવામાં આવી, જેમાં પ્રતિષ્ઠિત બિઝનેસ નેતાઓ, ઉદ્યોગસાહસિકો, રોકાણકારો, ઉદ્યોગ નિષ્ણાતો અને વિચારવંતાઓનો સમાવેશ થાય છે, જેમણે તમામ રજૂઆતોનું મૂલ્યાંકન કરીને ગુજરાતના ટોચના 50 SMEs 2026ની અંતિમ પસંદગી કરી.
મૂલ્યાંકન પ્રક્રિયા એ રીતે રચવામાં આવી હતી કે સન્માન માત્ર દેખાવ કે વ્યાપ પર આધારિત ન રહે, પરંતુ ઉદ્યોગોની આંતરિક શક્તિ, ગુણવત્તા અને વૃદ્ધિ ક્ષમતા પર આધારિત રહે.
ટોપ 50 ઉદ્યોગો ગુજરાતના SME ઇકોસિસ્ટમની વ્યાપકતા અને વિવિધતાનું પ્રતિનિધિત્વ કરે છે. આ પહેલ હેઠળ પસંદ થયેલ ઉદ્યોગો મળીને 8 જિલ્લામાં ફેલાયેલા 32 ક્ષેત્રોને આવરી લે છે, જે દર્શાવે છે કે ગુજરાતની ઉદ્યોગસાહસિક શક્તિ પરંપરાગત ઔદ્યોગિક કેન્દ્રોથી ઘણા આગળ વિસ્તરી રહી છે.
કયા ક્ષેત્રના સફળ ઉદ્યોગ સાહસિકોનું થયું સન્માન?
ટોપ 50 SMEs ગુજરાતના વિવિધ બિઝનેસ ક્ષેત્રોનું પ્રતિનિધિત્વ કરે છે, જેમાં
ટેક્સટાઇલ અને એપેરલ | ઇન્ફોર્મેશન ટેકનોલોજી – હાર્ડવેર | કન્સ્ટ્રક્શન | મેન્સ ગ્રુમિંગ અને પર્સનલ કેર | સસ્ટેનેબલ મટિરિયલ્સ / વેગન લેધર | હેવી એન્જિનિયરિંગ | બ્રાન્ડિંગ | વેસ્ટ મેનેજમેન્ટ અને સસ્ટેનેબિલિટી | ફાર્માસ્યુટિકલ્સ | FMCG – ફૂડ અને ગ્રોસરી | ઇલેક્ટ્રિકલ / ઇલેક્ટ્રિકલ એન્જિનિયરિંગ | કેબલ મેનેજમેન્ટ / કેબલ ટ્રે મેન્યુફેક્ચરિંગ | જનરલ મેન્યુફેક્ચરિંગ | એન્વાયરમેન્ટલ સર્વિસિસ / પાણી અને ગંદા પાણીનું શુદ્ધિકરણ | ઓટોમોટિવ / ઓટો પાર્ટ્સ | કેમિકલ્સ | કૃષિ અને કૃષિ ઉત્પાદનો | ફૂડ અને બેવરેજ / ફૂડ પ્રોસેસિંગ | EPC / ઇન્ફ્રાસ્ટ્રક્ચર પ્રોજેક્ટ્સ | એડવર્ટાઇઝિંગ અને ફોટોગ્રાફી | સિક્યુરિટી અને ટેલિકોમ સોલ્યુશન્સ | એક્વાકલ્ચર | EV ચાર્જિંગ ઇન્ફ્રાસ્ટ્રક્ચર | મેડિકલ / IVF ઉત્પાદનો | ડિસ્પોઝેબલ હાઈજીન અને પર્સનલ કેર પ્રોડક્ટ્સ | મોડ્યુલર ફર્નિચર | લોજિસ્ટિક્સ | એન્વાયરમેન્ટલ મોનીટરીંગ ઇક્વિપમેન્ટ | બાથરૂમ / સેનિટરી ફિટિંગ્સ | ચોકલેટ અને કન્ફેક્શનરી | પેટ્રોકેમિકલ્સ | સાયબરસિક્યુરિટી પ્રોડક્ટ્સ | મિલેટ, મધ અને નેચરલ ફૂડ પ્રોડક્ટ્સ | પાવર ટ્રાન્સમિશન, ડિસ્ટ્રિબ્યુશન અને ઇલેક્ટ્રિકલ EPC | ટૂરિઝમ | ડિફેન્સ | ડેરી પ્રોડક્ટ્સ જેવા ક્ષેત્રો નો સમાવેશ થાય છે.
મેન્યુફેક્ચરિંગ અને એન્જિનિયરિંગથી લઈને સર્વિસિસ, ટેકનોલોજી, કન્ઝ્યુમર બિઝનેસ અને વિશિષ્ટ ઉદ્યોગો સુધી, વિજેતાઓ ગુજરાતના SME ઇકોસિસ્ટમની બદલાતી પ્રકૃતિ અને વધતી વિવિધતાને પ્રતિબિંબિત કરે છે.
આ સન્માનમાં અમદાવાદ, સુરત, રાજકોટ, વડોદરા, જામનગર, હળવદ, મહુવા અને કુહા જેવા જિલ્લાઓના ઉદ્યોગોને સ્થાન મળ્યું છે.
આ ભૌગોલિક વ્યાપ દર્શાવે છે કે ગુજરાતમાં વિવિધ ઔદ્યોગિક અને વેપારી કેન્દ્રોમાંથી ઉચ્ચ પ્રદર્શન કરનાર SMEs ઉભરાઈ રહ્યા છે, જે રાજ્યના વ્યાપક ઉદ્યોગિક વિકાસને પ્રતિબિંબિત કરે છે.
મહિલા ઉદ્યોગ સાહસિકોનું સન્માન
ટોપ 50માં પસંદ થયેલા ઉદ્યોગોમાંથી 8 ઉદ્યોગો મહિલા સંચાલિત અથવા મહિલાઓ દ્વારા સ્થાપિત છે, જે ગુજરાતના બિઝનેસ ઇકોસિસ્ટમમાં મહિલા ઉદ્યોગસાહસિકોના વધતા યોગદાનને ઉજાગર કરે છે.
તેમની સફળતા માત્ર વ્યક્તિગત સિદ્ધિઓ સુધી મર્યાદિત નથી, પરંતુ તેઓ વિવિધ ક્ષેત્રોમાં ઉદ્યોગોનું નિર્માણ, વિકાસ અને નેતૃત્વ કરવાની મહિલાઓની વધતી ભૂમિકાને દર્શાવે છે, સાથે સાથે રાજ્યના આર્થિક વિકાસ અને બિઝનેસ પરિસ્થિતિમાં મહત્વપૂર્ણ યોગદાન આપે છે.
આ 50 માન્યતા પ્રાપ્ત ઉદ્યોગો મળીને મહત્ત્વપૂર્ણ આર્થિક પ્રભાવ ઉભો કરે છે, જેમનો કુલ ટર્નઓવર ₹2,865.47 કરોડથી વધુ છે અને તેઓ 11,000થી વધુ લોકોને રોજગાર આપે છે. ટોપ 50 ઉદ્યોગો 8 જિલ્લાઓ અને 32 અલગ-અલગ ક્ષેત્રોમાં ફેલાયેલા છે, જે ગુજરાતના SME ઇકોસિસ્ટમની વિવિધતા અને ભૌગોલિક વ્યાપકતાને દર્શાવે છે.
આ આંકડા એક મહત્વપૂર્ણ હકીકત દર્શાવે છે કે SMEs માત્ર ગુજરાતના બિઝનેસ પરિસ્થિતિનો મોટો હિસ્સો જ નથી, પરંતુ આર્થિક પ્રવૃત્તિ, રોજગાર સર્જન અને રાજ્યભરના સ્થાનિક ઉદ્યોગ વિકાસના મુખ્ય આધારસ્તંભ છે.
ગુજરાતની બોલબાલા
ઇન્ડિયા એસએમઇ ફોરમના પ્રમુખ વિનોદ કુમારે જણાવ્યું હતું કે Top 50 SME Awards શ્રેણીના પ્રથમ સંસ્કરણ માટે ગુજરાત સ્વાભાવિક પસંદગી હતું, કારણ કે ઉદ્યોગ, વેપાર અને વાણિજ્ય રાજ્યના આર્થિક અને સામાજિક માળખામાં ઊંડે વેરાયેલાં છે. ગુજરાત મજબૂત ઉદ્યોગસાહસિક સંસ્કૃતિ, મેન્યુફેક્ચરિંગ ક્ષમતા, વૈશ્વિક બજારો સાથે જોડાણ અને નાના ઉદ્યોગોને સ્પર્ધાત્મક તથા સ્કેલેબલ બનાવવાની ક્ષમતાનું અનોખું સંયોજન ધરાવે છે.
અમારી બહુસ્તરીય મૂલ્યાંકન પ્રક્રિયા દ્વારા પસંદ થયેલા ટોપ 50 SMEs આ શક્તિને તેની સંપૂર્ણ વિવિધતા સાથે પ્રતિબિંબિત કરે છે – 32 ક્ષેત્રો અને 8 જિલ્લામાં ફેલાયેલા. તેઓ મળીને ₹2,865 કરોડથી વધુનો ટર્નઓવર નોંધાવે છે અને 11,000થી વધુ લોકોને રોજગાર આપે છે, જેમાંથી 8 ઉદ્યોગો મહિલા સંચાલિત છે. આ માત્ર સફળ બિઝનેસ નથી, પરંતુ રોજગાર સર્જક, નવીનતા લાવનાર અને ભવિષ્યના રાષ્ટ્રીય સ્તરના ચેમ્પિયન્સ છે. ગુજરાતથી આ શ્રેણીની શરૂઆત કરીને, અમારો હેતુ રાજ્ય સ્તરે વિશ્વસનીય પ્લેટફોર્મ ઉભું કરવાનો છે, જે ગુણવત્તાસભર ઉદ્યોગોને ઓળખે અને તેમને India SME 100 Awards – MSMEs માટેનો દેશનો પ્રતિષ્ઠિત સન્માન – સુધી પહોંચવાનો માર્ગ પ્રદાન કરે.
એક્સીસ બેન્કના કોમર્શિયલ બેંકિંગ ગ્રુપ ના ગ્રુપ હેડ વિજય શેટ્ટી એ જાણાવ્યું કે, “MSMEs ભારતના આર્થિક વિકાસના સૌથી મજબૂત આધારસ્તંભોમાંના એક છે અને ગુજરાત ઉદ્યોગસાહસિક શ્રેષ્ઠતાનું માપદંડ નક્કી કરતું રહ્યું છે. Top 50 SME Gujarat 2026 પહેલ હેઠળ માન્યતા પ્રાપ્ત ઉદ્યોગો રાજ્યના SME ઇકોસિસ્ટમને પરિભાષિત કરતી નવીનતા, મહત્ત્વાકાંક્ષા અને સ્થિરતાનું પ્રતિબિંબ છે. Axis Bank ખાતે અમે બિઝનેસને તેમની વૃદ્ધિની દરેક પળે સાથ આપવાનો અને નવી તકો પ્રાપ્ત કરવામાં મદદ કરવાનો સંકલ્પ રાખીએ છીએ.”
મહાનુભાવોની જ્યુરી
ગુજરાતના ટોચના 50 SMEs માટેની પ્રતિષ્ઠિત જ્યુરીમાં શ્રી પ્રહલાદ કક્કર (ચેરમેન, India SME Forum), શ્રી શૈલેશ પટવારી (ચેરમેન, નેક્સસ ઇન્ફ્રાટેક પ્રા.લિ. અને વાઇબ્રન્ટ ઇન્ડસ્ટ્રિયલ પાર્ક લિમિટેડ), શ્રીમતી જ્યોતિ સુધિર (સહ-સ્થાપક અને CEO, Invent India Innovations Pvt. Ltd.), શ્રી વિનોદ કુમાર (પ્રમુખ, India SME Forum), શ્રી હિરેન લાઠિયા (સ્થાપક, Leemboodi Fashion), શ્રી મયુર પટેલ (CEO, Proflex – M&B Engineering Ltd.નો વિભાગ), શ્રી જયન્થ મૂર્તિ (JMD, સાઉથ એશિયા અને આફ્રિકા, Kaizen Institute), શ્રી રાકેશ સિંહ (સર્કલ હેડ, ગુજરાત સેન્ટ્રલ અને સાઉથ, Axis Bank), શ્રી સુનીલ ખત્રી (હેડ – ક્રેડિટ, SBB વર્કિંગ કેપિટલ, Axis Bank), શ્રી સૌરવ અગરવાલ (જિયોગ્રાફી હેડ, ગુજરાત, Axis Bank) અને શ્રી રાજનિશ પાંડે (હેડ – હોલસેલ ક્રેડિટ, CBG, Axis Bank) જેવા પ્રતિષ્ઠિત સભ્યોનો સમાવેશ થાય છે. આ જ્યુરીએ ઉદ્યોગસાહસિકતા, બિઝનેસ, રોકાણ, બ્રાન્ડિંગ, ઉદ્યોગ અને એન્ટરપ્રાઇઝ વિકાસ જેવા વિવિધ ક્ષેત્રોના અનુભવોને સાથે લાવીને પસંદ થયેલા ઉદ્યોગોનું મૂલ્યાંકન કર્યું.
હેતુ અને લક્ષ્યાંક
Top 50 SME Gujarat 2026 પહેલ Axis Bank અને India SME Forum દ્વારા રચાયેલો એક સન્માન કાર્યક્રમ છે, જેનો હેતુ ગુજરાતના સૌથી પ્રતિભાશાળી અને શ્રેષ્ઠ પ્રદર્શન કરનાર નાના અને મધ્યમ ઉદ્યોગોને ઓળખી અને સન્માનિત કરવાનો છે.
આ પહેલનો હેતુ એવા ઉદ્યોગોને પ્રકાશમાં લાવવાનો છે, જે વ્યવસાયિક પ્રદર્શન, રોજગાર સર્જન, નવીનતા, બજાર વિસ્તરણ અને ઉદ્યોગસાહસિક શ્રેષ્ઠતા દ્વારા ગુજરાતના આર્થિક વિકાસમાં યોગદાન આપે છે. તે India SME Forumના વિશાળ પ્રયાસોનો ભાગ છે, જેનો ઉદ્દેશ ભારતના MSME ઇકોસિસ્ટમને ઓળખવું, સશક્ત બનાવવું અને ઝડપી બનાવવું છે.
