Nationalગુજરાતી

સાયબર ટેક્નોલોજીથી ચીન ભારતને મોટું નુકસાન પહોંચાડી શકે છે: જનરલ બિપિન રાવત

  • ચીફ ઑફ ડિફેન્સ સ્ટાફ જનરલ બિપિન રાવતે આપી ચેતવણી
  • સાયબર ટેક્નોલોજીના મામલામાં ચીન ભારત કરતાં બહુ આગળ છે
  • તે સાયબર એટેકથી ભારતને મોટા પાયે નુકસાન પહોંચાડી શકે છે

નવી દિલ્હી: ચીફ ઑફ ડિફેન્સ સ્ટાફ જનરલ બિપિન રાવતે ચેતવણી આપી છે. તેમણે ચેતવણી આપતા કહ્યું હતું કે, સાયબર ટેક્નોલોજીના મામલામાં ચીન ભારત કરતાં બહુ આગળ છે અને સાયબર એટેક થકી ભારતને મોટું નુકસાન પહોંચાડવા માટે પણ સક્ષમ છે.

પ્રાપ્ત વિગતો અનુસાર સ્વામી વિવેકાનંદ ઇન્ટરનેશનલ ફાઉન્ડેશનના કાર્યક્રમમાં જનરલ રાવતે જણાવ્યું હતું કે, ભારત અને ચીન વચ્ચે સૌથી મોટું અંતર સાયબર ક્ષેત્રમાં છે. પાડોશી દેશે આઇટી પર બહુ રોકાણ કર્યું છે અને છેલ્લા કેટલાક વર્ષોમાં ભારત અને ચીન વચ્ચે આ ક્ષેત્રમાં અંતર બહુ વધી ગયું છે. ચીન ભારત કરતા આગળ નીકળી ગયું છે.

તેમણે વધુમાં ઉમેર્યું હતું કે, આપણે જાણીએ છીએ કે, ચીન ભારત પર સાયબર એટેક કરવા માટે સક્ષમ છે અને તે આપણી સિસ્ટમને મોટા પાયે નુકસાન પહોંચાડી શકે છે. આપણે એવી સિસ્ટમ તૈયાર કરવાનો પ્રયાસ કરી રહ્યા છે જેનાથી સાયબર એટેક સામે આપણે સિસ્ટમનું રક્ષણ કરી શકીએ.

જનરલ રાવતે કહ્યું હતું કે, ભારતે આ પ્રકારના પડકારોનો સામનો કરવા માટેની ક્ષમતાઓ ડેવલપ કરવી જ પડશે અને આ માટે પશ્વિમી દેશોની મદદ લીધા વગર આગળ વધવું જોઇએ.

(સંકેત)

Related posts
BEAUTYગુજરાતી

બ્યુટી પાર્લરમાં બનતા મોંઘા ફેશિયલને બનાવો ઘરે બેઠા, સંતરાની છાલનો કરો આ રીતે ઉપયોગ

સંતરા અથવા નારંગીના છે અનેક ફાયદા ચહેરાની સુંદરતા વધારવામાં પણ છે ઉપયોગી ઘરે બેઠા જ બનાવી શકો છે ફેશિયલ પેક બજારમાં આજે…
Regionalગુજરાતી

ભૂમિ સુપોષણ અભિયાન: ગુજરાતમાં યોજાશે ભૂમિપૂજન કાર્યક્રમ, 6000 ગામોમાં ખેડૂતો ભૂમિ સુધારણાનો લેશે સંકલ્પ

રાસાયણીક ખાતર-જંતુનાશક દવાઓથી જમીનની ફળદ્રુપતા નષ્ટ થઇ ચૂકી છે આ સંજોગોમાં ધરતી માતાને ફરીથી ફળદ્રુપ બનાવી નવપલ્લવીત કરવી આવશ્યક છે આ જ…
Nationalગુજરાતી

હવે ઘરેલૂ ફ્લાઇટમાં ભોજન નહીં મળે, જાણો ઉડ્ડયન મંત્રાલયનો નિર્ણય

કોરોનાના સ્ફોટક સંક્રમણ વચ્ચે નાગરિક વિમાન મંત્રાલયે લીધો નિર્ણય વિમાન મંત્રાલયે કોરોનાને કાબૂ કરવાની દિશામાં મોટું પગલું ભર્યું 2 કલાકથી ઓછી સ્થાનિક…

Leave a Reply