PM મોદીએ મોહમ્મદ મુઈઝને માલદીવના નવા રાષ્ટ્રપતિ તરીકે ચૂંટાવા પર અભિનંદન પાઠવ્યા
- મોહમ્મદ મુઈઝ માલદીવના નવા રાષ્ટ્રપતિ બન્યા
- પીએમ મોદીએ તેમની જીત પર પાઠવ્યા અભિનંદન
- પીએમ મોદીએ X ( ટ્વિટર ) પર કહી આ વાત
દિલ્હી:મોહમ્મદ મુઇઝ માલદીવની રાષ્ટ્રપતિની ચૂંટણી જીતી ગયા છે. પીએમ મોદીએ પણ તેમની જીત પર તેમને અભિનંદન પાઠવ્યા છે. પીએમ મોદીએ પોતાનો અભિનંદન સંદેશ આપતા X પર લખ્યું, “માલદીવના રાષ્ટ્રપતિ તરીકે ચૂંટાવા પર મોહમ્મદ મુઈઝને અભિનંદન અને શુભેચ્છાઓ. ભારત માલદીવ સાથે દ્વિપક્ષીય સંબંધોને મજબૂત કરવા અને હિંદ મહાસાગર ક્ષેત્રમાં અમારા એકંદર સહયોગને વધારવા માટે પ્રતિબદ્ધ છે.”
Congratulations and greetings to @MMuizzu on being elected as President of the Maldives.
India remains committed to strengthening the time-tested India-Maldives bilateral relationship and enhancing our overall cooperation in the Indian Ocean Region.
— Narendra Modi (@narendramodi) October 1, 2023
પ્રોગ્રેસિવ પાર્ટી ઓફ માલદીવ (PPM)ના ઉમેદવાર મુઈઝે ઈબ્રાહિમ મોહમ્મદ સોલિહને હરાવ્યા. મુઇઝને ચીનના સમર્થક માનવામાં આવે છે. આ સાથે તેમનો ચીન સાથે મજબૂત સંબંધો પર જોર છે. રાષ્ટ્રપતિની ચૂંટણીમાં વિજય નોંધાવ્યા પછી મુઈઝે એક નિવેદનમાં તેમને સમર્થન આપનારા તમામ લોકોનો આભાર માન્યો. માલદીવના ચૂંટણી કાયદા હેઠળ રાષ્ટ્રપતિ પાંચ વર્ષની મુદત માટે સાર્વત્રિક અને ગુપ્ત મતાધિકાર દ્વારા જનતા દ્વારા સીધા જ ચૂંટાય છે.
રાષ્ટ્રપતિની ચૂંટણી માટેની મતદાન પદ્ધતિ એ બહુમતી મત પદ્ધતિનો ઉપયોગ કરીને સીધી ચૂંટણી છે, જેમાં જાહેર જનતા એક ઉમેદવારને મત આપે છે અને જે વ્યક્તિ સૌથી વધુ મત મેળવે છે તે ચૂંટણી જીતે છે. વિજેતા ઉમેદવારે એક અથવા વધુ તબક્કામાં થયેલા કુલ મતોના ઓછામાં ઓછા 50 ટકા મતો મેળવવાના હોય છે. માલદીવના ચૂંટણી પંચમાં અધ્યક્ષ, ઉપાધ્યક્ષ અને અન્ય ત્રણ કમિશનર હોય છે.
