પીએમ મોદીએ અમેરિકાના ઉપરાષ્ટ્રપતિ કમલા હેરિસ સાથે મુલાકાત કરી, કહ્યું- અમેરિકાએ કોવિડ સમયે સાચા મિત્રની જેમ મદદ કરી
- પીએમ મોદી અમેરિકાના ઉપરાષ્ટ્રપતિ કમલા હેરિસને મળ્યા
- કહ્યું- અમેરિકાએ કોવિડ સમયે સાચા મિત્રની જેમ મદદ કરી
- પીએમએ ઉપરાષ્ટ્રપતિ હેરિસને ભારત આવવાનું આપ્યું આમંત્રણ
દિલ્હી:વડાપ્રધાન નરેન્દ્ર મોદીએ ગુરુવારે વ્હાઈટ હાઉસમાં અમેરિકાના ઉપરાષ્ટ્રપતિ કમલા હેરિસને મળ્યા અને ભારત અને અમેરિકાને કુદરતી ભાગીદાર ગણાવ્યા. બેઠક દરમિયાન વડાપ્રધાન મોદીએ વિશ્વાસ વ્યક્ત કર્યો હતો કે,અમેરિકાના રાષ્ટ્રપતિ જો બાઇડેન અને ઉપરાષ્ટ્રપતિ કમલા હેરિસના નેતૃત્વમાં દ્વિપક્ષીય સંબંધો નવી ઉંચાઈઓ સુધી પહોંચશે.
પીએમ મોદીએ કહ્યું કે,વિશ્વ અને સૌથી જૂની લોકશાહી તરીકે ભારત અને અમેરિકા નેચરલ પાર્ટનર છે. આપણા મૂલ્યોમાં સમાનતા છે. આપણું સંકલન અને સહકાર પણ સતત વધી રહ્યો છે.જ્યારે ભારત કોવિડ -19 ની બીજી લહેરની પકડમાં હતું, ત્યારે હું ભારતને મદદ કરવા બદલ અમેરિકાનો આભાર માનું છું. અમેરિકાએ કોવિડ સમયે સાચા મિત્રની જેમ મદદ કરી. એ પણ કહ્યું કે તે સમયે અમેરિકી સરકાર, કંપનીઓ અને ભારતીય સમુદાય બધાએ એક થઈને ભારતની મદદ કરી હતી.
વડાપ્રધાન મોદીએ ઉપરાષ્ટ્રપતિ કમલા હેરિસને ભારતની મુલાકાત માટે આમંત્રણ આપ્યું છે. પીએમ મોદીએ કહ્યું કે,તમારી વિજય યાત્રા એતિહાસિક છે. ભારતના લોકો ભારતની આ એતિહાસિક વિજય યાત્રાને સન્માનિત કરવા, આવકારવા માંગશે, તેથી હું તમને ખાસ કરીને ભારત આવવાનું આમંત્રણ આપું છું. કમલા હેરિસને એમ પણ કહ્યું કે,તમે વિશ્વના ઘણા લોકો માટે પ્રેરણાસ્ત્રોત છો.
કમલા હેરિસે કહ્યું કે,વડાપ્રધાન નરેન્દ્ર મોદીનું વોશિંગ્ટન ડીસીમાં સ્વાગત કરવું મારા માટે ખૂબ ગૌરવની વાત છે. એમ પણ કહ્યું કે ઇતિહાસ સાક્ષી છે કે જ્યારે પણ અમે બંને દેશો એકબીજાની પડખે ઉભા રહ્યા છીએ, બંને દેશોએ પોતાને વધુ સુરક્ષિત, મજબૂત અને સમૃદ્ધ માન્યા છે. કમલા હેરિસે ભારતને અમેરિકાનો “ખૂબ જ મહત્વપૂર્ણ ભાગીદાર” ગણાવ્યો હતો. નવી દિલ્હીની જાહેરાતનું પણ સ્વાગત કર્યું, જેમાં ભારતે ટૂંક સમયમાં કોવિડ -19 રસીની નિકાસ ફરી શરૂ કરવાની વાત કરી છે.
કમલા હેરિસે કહ્યું કે,ભારત અન્ય દેશો માટે રસીકરણનો મહત્વનો સ્ત્રોત રહ્યો છે. ભારત ટૂંક સમયમાં રસીઓની નિકાસ ફરી શરૂ કરવા જઈ રહ્યું છે, હું તેનું સ્વાગત કરું છું. ભારતમાં દરરોજ 10 કરોડ લોકોને રસી આપવામાં આવી રહી છે, જે ખૂબ જ પ્રભાવશાળી પગલું છે. દેશમાં રોગચાળાની બીજી લહેર આવ્યા બાદ ભારતે આ વર્ષે એપ્રિલમાં કોવિડ રસીની નિકાસ બંધ કરી દીધી હતી. સોમવારે ભારતે કહ્યું કે તે તેના “વેક્સીન મૈત્રી” પ્રોગ્રામના ભાગરૂપે અને કોવેક્સ વૈશ્વિક અભિયાન પ્રત્યેની પોતાની પ્રતિબદ્ધતાને પૂર્ણ કરવા માટે 2021 ના ચોથા ક્વાર્ટરમાં વધારાની રસીઓની નિકાસ ફરી શરૂ કરશે.
