રાષ્ટ્રપતિ રામનાથ કોવિંદ આજથી બે દિવસના પ્રવાસ પર પહોંચશે હરિદ્વાર,પતંજલિ યુનિવર્સિટીના દીક્ષાંત સમારોહમાં હાજરી આપશે
- રાષ્ટ્રપતિ રામનાથ કોવિંદ હરિદ્વારની લેશે મુલાકાત
- પતંજલિ યુનિવર્સિટીના દીક્ષાંત સમારોહમાં હાજરી આપશે
ઉતરાખંડ : રાષ્ટ્રપતિ રામનાથ કોવિંદ આજથી બે દિવસની મુલાકાતે હરિદ્વાર પહોંચશે.રાષ્ટ્રપતિ 28 નવેમ્બરે પતંજલિ યુનિવર્સિટીના દીક્ષાંત સમારોહમાં અને 29 નવેમ્બરે દેવ સંસ્કૃત વિશ્વવિદ્યાલયના કાર્યક્રમમાં હાજરી આપશે.આ સાથે તે શાંતિકુંજમાં આયોજિત કાર્યક્રમમાં પણ ભાગ લેશે. પ્રશાસને પણ રાષ્ટ્રપતિની મુલાકાતને લઈને તમામ તૈયારીઓ પૂર્ણ કરી લીધી છે.
રાષ્ટ્રપતિ રામનાથ કોવિંદની મુલાકાત પર, ગઢવાલના કમિશનર રવિનાથ રમન, આઈજી ઈન્ટેલિજન્સ સંજય ગુંજ્યાલ અને ઉચ્ચ પોલીસ-પ્રશાસન અધિકારીઓએ શનિવારે પતંજલિ યુનિવર્સિટી કેમ્પસમાં વ્યવસ્થાઓનું નિરીક્ષણ કર્યું હતું. હરિદ્વાર જિલ્લા મેજિસ્ટ્રેટ વિનય શંકર પાંડેએ રાષ્ટ્રપતિ રામનાથ કોવિંદના કાર્યક્રમ વિશે માહિતી આપી છે. તેમણે કહ્યું કે,હરિદ્વાર પતંજલિ વિશ્વવિદ્યાલયના દીક્ષાંત સમારોહમાં રાષ્ટ્રપતિ 5 કલાક સુધી કાર્યક્રમમાં હાજર રહેશે.આ દરમિયાન રાષ્ટ્રપતિ પતંજલિ યુનિવર્સિટીના નવનિર્મિત ભવનનું ઉદ્દઘાટન પણ કરશે અને નવા ભવનનો શિલાન્યાસ પણ કરશે.
વાસ્તવમાં રાષ્ટ્રપતિના કાર્યક્રમનો રૂટ પ્લાન બહાર પાડવામાં આવ્યો છે. જે અંતર્ગત રાષ્ટ્રપતિ આજે બપોરે 3:30 કલાકે હેલિપેડ પર MI-17 હેલિકોપ્ટરથી લેન્ડ કરશે. અહીંથી રાષ્ટ્રપતિ રોડ માર્ગે પરમાર્થ નિકેતન જશે અને ગંગા આરતીમાં હાજરી આપશે. કમિશનરે કહ્યું કે,હરિદ્વાર, દહેરાદૂન અને પૌરી જિલ્લાના પોલીસ-વહીવટી અધિકારીઓએ રાષ્ટ્રપતિની બે દિવસીય મુલાકાતને લઈને પરસ્પર સંકલન કરવું જોઈએ.
