શિવસેનાના સાંસદ સંજય રાઉતએ એક બેઠકમાં રાહુલ ગાંધીને કોંગ્રેસના નેતૃત્વમાં સંયુક્ત પ્રગતિશીલ ગઠબંધન (યુપીએ)ને પુનર્જીવિત કરવા કહ્યું હતું. દેશમાં 2004-14ની વચ્ચે આ ગઠબંધનએ શાસન કર્યું હતું. પશ્ચિમ બંગાળના મુખ્યમંત્રી મમતા બેનર્જીએ તાજેતરમાં કહ્યું હતું કે કોંગ્રેસ પાસે વિપક્ષનું હૃદય બનવાની ન તો ક્ષમતા છે કે ન તો તેનું નેતૃત્વ. હવે યુપીએ નથી. તેમણે એનસીપી પ્રમુખ શરદ પવારની હાજરીમાં આ વાત કહી હતી. શિવસેનાએ આનો વિરોધ કર્યો છે. શિવસેનાએ કહ્યું હતું કે, કોંગ્રેસ વગર કોઈ વિપક્ષી મોરચો બની શકે નહીં.
શિવસેનાના નેતા સંજય રાઉતે એવો પણ સંકેત આપ્યો કે શિવસેના યુપીએમાં જોડાઈ શકે છે. શિવસેના 3 સભ્યોની ગઠબંધન સરકારનો ભાગ છે. મહારાષ્ટ્રમાં કોંગ્રેસ અને શરદ પવારની રાષ્ટ્રવાદી કોંગ્રેસ પાર્ટી સાથે મળીને શિવસેના શાસન કરી રહ્યું છે. તેમણે વધુમાં કહ્યું કે, “અમે ઉદ્ધવ ઠાકરેના નેતૃત્વમાં મહારાષ્ટ્રમાં મીની-યુપીએ ચલાવી રહ્યા છીએ. તેથી આપણે કેન્દ્રીય સ્તરે પણ સમાન વ્યવસ્થા કરવી જોઈએ,”. શિવસેના યુપીએમાં જોડાશે કે કેમ તે અંગે પૂછવામાં આવતા તેમણે કહ્યું, “મેં રાહુલ ગાંધીને કહ્યું હતું – બધાને આમંત્રણ આપો. લોકો આવીને હાજરી આપશે નહીં. લગ્ન કે ફંક્શનમાં પણ અમારે આમંત્રણ મોકલવું પડશે.” તેણે કહ્યું, ‘આમંત્રણ આવવા દો, પછી વિચાર કરીશું. મેં આ વાત શિવસેના પ્રમુખ ઉદ્ધવ ઠાકરેને કહી છે.
શિવસેનાના નેતાએ રાહુલ ગાંધીની વખાણ કરતા કહ્યું હતું કે, “લોકો તેમના (રાહુલ) વિશે જે રીતે વિચારે છે તે યોગ્ય નથી. તેઓ પણ સારું વિચારે છે. તેમની પાર્ટીમાં કેટલીક ખામીઓ (મજબૂરીઓ) છે. તે આ મુદ્દાઓને લઈને ચિંતિત છે અને સમસ્યાઓના નિરાકરણ માટે કામગીરી કરી રહ્યાં છે. થોડા દિવસો પહેલા, મમતા બેનર્જીએ રાહુલ ગાંધીની સ્પષ્ટ ટીકા કરતા કહ્યું હતું કે, “જો કોઈ કંઈ ન કરે અને અડધો સમય વિદેશમાં રહે, તો રાજકારણ કેવી રીતે કરશે? રાજકારણ માટે સતત પ્રયત્નો કરવા જોઈએ.”
