1. Home
  2. ગુજરાતી
  3. ભાજપના સાંસદ ગૌતમ ગંભીરને ધમકી ભર્યા મેલ મોકલવાના કેસમાં ચોંકાવનારો ખુલાસો
ભાજપના સાંસદ ગૌતમ ગંભીરને ધમકી ભર્યા મેલ મોકલવાના કેસમાં ચોંકાવનારો ખુલાસો

ભાજપના સાંસદ ગૌતમ ગંભીરને ધમકી ભર્યા મેલ મોકલવાના કેસમાં ચોંકાવનારો ખુલાસો

0

દિલ્હીઃ ભાજપના સાંસદ અને પૂર્વ ક્રિકેટર ગૌતમ ગંભીરને ધમકીભર્યો ઈ-મેલ પાકિસ્તાન તરફથી મોકલવામાં આવ્યો હતો. આ અંગે ગૂગલ પાસેથી માહિતી માંગવામાં આવી હતી. તપાસ દરમિયાન ગૂગલે જણાવ્યું કે જે ઈમેલથી ધમકી આપવામાં આવી હતી તેનું આઈપી એડ્રેસ પાકિસ્તાનનું જાણવા મળી રહ્યું છે.. ગૂગલે અમને જણાવ્યું કે અમારી પાસે કેટલાક EMEI અને વૈકલ્પિક ઈમેલ છે અને આ સાથે બેંગલોર સ્થિત એક IP છે. ભારતીય સાથે ઈમેલ મોકલનારનો સંપર્ક શોધી કાઢવામાં આવી રહ્યો છે.

ભાજપના સાંસદ ગૌતમ ગંભીરએ દિલ્હી પોલીસને ફરિયાદ કરી હતી કે, તેમને આઈએસઆઈએસના નામે મારી નાખવાની ધમકી ભર્યો ઈ-મેલ કર્યો હતો. આ ધમકીને પગલે તેમના ઘરની સુરક્ષામાં વધારો કરવામાં આવ્યો હતો. પોલીસના સ્પેશિયલ સેલ વતી, Google ને એક પત્ર લખવામાં આવ્યો છે, જેમાં ઈમેલ આઈડીના ઓપરેટર સહિત અન્ય સંબંધિત માહિતી માંગવામાં આવી છે, જેનાથી કથિત ધમકી સંદેશ મોકલવામાં આવ્યો હતો.

ડેપ્યુટી કમિશનર ઓફ પોલીસ (સેન્ટ્રલ) શ્વેતા ચૌહાણે જણાવ્યું કે ગંભીરના અંગત સચિવ ગૌરવ અરોરા વતી રાજેન્દ્ર નગર પોલીસ સ્ટેશનમાં ફરિયાદ દાખલ કરવામાં આવી હતી. પોલીસે કહ્યું કે, આ મામલે હજુ સુધી કોઈ FIR નોંધવામાં આવી નથી કારણ કે ફરિયાદના સંબંધમાં તપાસ ચાલી રહી છે. તેમણે કહ્યું કે સ્પેશિયલ સેલ, સેન્ટ્રલ ડિસ્ટ્રિક્ટ પોલીસના સાયબર સેલ સાથે મળીને આ મામલાની તપાસ કરી રહી છે. સ્પેશિયલ સેલના એક વરિષ્ઠ અધિકારીએ જણાવ્યું હતું કે, અમે મામલાની તપાસ કરી રહ્યા છીએ.

LEAVE YOUR COMMENT

Your email address will not be published.