નવી દિલ્હી, 12 સપ્ટેમ્બર 2026: સરકારે ‘પ્રધાનમંત્રી આવાસ યોજના-શહેરી’ (PMAY-U) ના બીજા તબક્કા હેઠળ 18.77 લાખ ઘરોને મંજૂરી આપી છે. આનાથી યોજનાના અમલીકરણને વધુ વેગ મળશે અને શહેરી વિસ્તારોમાં ‘સૌ માટે આવાસ’ના લક્ષ્યને આગળ વધારવામાં મદદ મળશે.
આ નિર્ણય નવી દિલ્હીમાં ‘સેન્ટ્રલ સેન્ક્શનિંગ એન્ડ મોનિટરિંગ કમિટી’ની નવમી બેઠક દરમિયાન લેવામાં આવ્યો હતો. આ બેઠકની અધ્યક્ષતા આવાસ અને શહેરી બાબતોના મંત્રાલય હેઠળના શહેરી વિકાસ વિભાગના સચિવ સત્યેન્દ્ર સિંહે કરી હતી.
આ બેઠકમાં PMAY-Uના બીજા તબક્કા (Phase II) હેઠળ ‘લાભાર્થી-આધારિત બાંધકામ’ (Beneficiary-Led Construction) અને ‘ભાગીદારીમાં પરવડે તેવા આવાસો’ (Affordable Housing in Partnership) શ્રેણીઓ અંતર્ગત આશરે 29000 વધારાના મકાનોને પણ મંજૂરી આપવામાં આવી હતી. આ મંજૂરીઓમાં આસામ, બિહાર, ગુજરાત, તેલંગાણા, ત્રિપુરા અને ઉત્તર પ્રદેશ રાજ્યોનો સમાવેશ થાય છે.
સિંહે રાજ્યોને PMAY-U ના બીજા તબક્કાના સમયસર અને અસરકારક અમલીકરણ તથા દેખરેખ માટે સંયુક્ત પ્રયાસો કરવા અનુરોધ કર્યો, જેથી આ યોજનાનો લાભ તમામ પાત્ર લાભાર્થીઓ સુધી પહોંચી શકે.
 ના બીજા તબક્કા હેઠળ 18.77 લાખ ઘરોને મંજૂરી આપી છે. આનાથી યોજનાના અમલીકરણને વધુ){kind=link}