1. Home
  2. ગુજરાતી
  3. ગુજરાત
  4. રાજ્ય સરકાર દ્વારા જુનાગઢ ખાતે જાન્યુઆરીમાં આરોહણ-અવરોહણ સ્પર્ધા યોજાશે
રાજ્ય સરકાર દ્વારા  જુનાગઢ ખાતે જાન્યુઆરીમાં આરોહણ-અવરોહણ  સ્પર્ધા યોજાશે

રાજ્ય સરકાર દ્વારા જુનાગઢ ખાતે જાન્યુઆરીમાં આરોહણ-અવરોહણ સ્પર્ધા યોજાશે

0

ગાંધીનગરઃ રાજ્યના 14 થી 35 વર્ષની વયમર્યાદાવાળા વિદ્યાર્થીઓ અને  બિન- વિદ્યાર્થી યુવક યુવતિઓને “આરોહણ-અવરોહણ સ્પર્ધા” માં જોડાવાની ઉંમદા તક આપી પ્રોત્સાહિત કરવા રાજ્ય સરકાર દ્વારા  ગુજરાત આરોહણ-અવરોહણ સ્પર્ધા જાન્યુઆરીમાં જુનાગઢ ખાતે યોજાશે.

રાજ્ય સરકારના કમિશનર યુવક સેવા અને સાંસ્કૃતિક પ્રવૃત્તિઓની કચેરી,ગાંધીનગર દ્વારા રાજ્ય સરકારના ખર્ચે એક  દિવસની ગુજરાત આરોહણ-અવરોહણ સ્પર્ધા  જાન્યુઆરી-2021 માં જુનાગઢ ખાતે યોજવામાં આવશે. માત્ર એવા યુવક-યુવતીઓ કે જેઓ તા.31/12/2021 ના રોજ 14 થી 35 વર્ષની વચમર્યાદા ધરાવતા હોય તેવા અને આ સ્પર્ધામાં ભાગ લેવા ઇચ્છતા હોય તેઓએ પોતાના જિલ્લાના જિલ્લા રમતગમત અધિકારી ની કચેરી ખાતેથી અરજી ફોર્મ મેળવી સંપૂર્ણ વિગતો ભરીને આધાર-પુરાવા સાથે જિલ્લા યુવા વિકાસ અધિકારી, જુનાગઢને તા.21/12/2021 સુધીમાં મોકલી આપવાનું રહેશે. યુવક યુવતીઓમાં સાહસિકતા વધે તે માટે દર વર્ષે આરોહણ, અવરોહણ સ્પર્ધાનું યોજન કરવામાં આવે છે. અને યુવક-યુવતીઓ આ સ્પર્ધામાં ઉત્સાહભેર ભાગ લે છે.

સૂત્રોના જણાવ્યા મુજબ આ સ્પર્ધામાં એક થી દસ ક્રમે પસંદગી પામેલ સ્પર્ધકો ને સીધે સીધા રાષ્ટ્રીય કક્ષાના ગીરનાર આરોહણ-અવરોહણ સ્પર્ધામાં મોકલવામાં આવશે. આ સ્પર્ધામાં ભાગ લેવા માટે જે-તે સ્થળ ખાતે સ્વ ખર્ચે આવવા જવાનું રહેશે તથા સ્પર્ધા દરમિયાન  નિવાસ ભોજન તેમજ માગ લેવા બદલ પ્રમાણપત્ર રાજ્ય સરકાર દ્વારા આપવામાં આવશે. આ સ્પર્ધામાં પસંદગી પામનાર યુવક-યુવતીઓને જિલ્લા યુવા વિકાસ અધિકારીની કચેરી દ્વારા પત્ર મોબાઇલ / ઇ-મેઇલ દ્વારા જાણ કરવામાં આવશે. કોઇપણ બાબતની પૃચ્છા સંબંધમાં સંબંધિત જિલ્લાના જિલ્લા યુવા વિકાસ અધિકારી, જુનાગઢનો સંપર્ક કરવાનો રહેશે.

 

LEAVE YOUR COMMENT

Your email address will not be published. Required fields are marked *

Join our WhatsApp Channel

And stay informed with the latest news and updates.

Join Now
revoi whats app qr code