આણંદઃ ગુજરાતમાં રોડ અકસ્માતોના બનાવોમાં વધારો થઈ રહ્યો છે. ત્યારે એકેસપ્રેસ હાઈવે પર આણંદ નજીક પૂરફાટ ઝડપે આવી રહેલી કાર ટ્રકની પાછળ અથડાતાં કારમાં મુસાફરી કરી રહેલા ત્રણ યુવાનોના મોત નિપજ્યા હતા. બનાવની જાણ થતાં જ આસપાસના લોકો મદદ માટે દોડી આવ્યા હતા. સાથે જ બનાવની જાણ પોલીસ અને 108 એમ્બ્યુલન્સને કરવામાં આવી હતી. ત્યારે પોલીસે પણ ઘટના સ્થળે જઈને તપાસ હાથ ધરી હતી. બાદમાં ત્રણેય યુવકોનાં મૃતદેહોને પોસ્ટમોર્ટમ માટે હોસ્પિટલમાં ખસેડ્યા હતા. પોલીસે આ મામલે આગળની કાર્યવાહી હાથ ધરી હતી.
પોલીસ સૂત્રોમાંથી આ અકસ્માતની વિગતો એવી જાણવા મળી છે. કે, આણંદ એક્સપ્રેસ હાઈવે પર ગઈ મધ રાત્રે આ અકસ્માતની ઘટના સર્જાઈ હતી. આણંદ એક્સપ્રેસ હાઈવે પર ખંભોળજ પોલીસ સ્ટેશન હેઠળ આવતા વિસ્તારમાં આ અકસ્માત સર્જાયો હતો. આણંદ એક્સપ્રેસ હાઈવે પર એક ટ્રક ઊભો હતો. એ સમયે પૂરપાટ ઝડપે આવી રહેલી કાર ટ્રકની પાછળ ઘુસી ગઈ હતી. ત્યારે કારમાં સવાર ત્રણ યુવકોનાં ઘટના સ્થળે જ કરુણ મોત નીપજ્યા હતા. બનાવની જાણ થતાં જ આસપાસના લોકો મદદ માટે દોડી આવ્યા હતા. સ્થાનિકોએ આ બનાવની જાણ પોલીસ અને 108 એમ્બ્યુલન્સને કરી હતી. જાણ થતાં જ પોલીસ અને 108 ઘટના સ્થળે પહોંચ્યા હતા. જો કે, અકસ્માતમાં ત્રણેય યુવકોનાં મોત ઘટના સ્થળે જ થઈ ગયા હતા. જે બાદ પોલીસે ત્રણેય યુવકોનાં મૃતદેહોને પોસ્ટમોર્ટમ માટે હોસ્પિટલમાં ખસેડ્યા હતા. પોલીસ તપાસમાં સામે આવ્યું કે, ત્રણેય યુવકો ડાકોરના વતની હતા. કારના માલિકને યુવકો વડોદરા મૂકવા માટે ગયા હતા. એ પછી વડોદરાથી પરત ફરી રહ્યા હતા અને એ જ સમયે આ ગમખ્વાર અકસ્માત સર્જાયો હતો.
આ અકસ્માતમાં મૃત્યુ પામેલા ત્રણેય યુવકો ડાકોરના વતની હતા. જે બાદ યુવકોના પરિવાર સહિત સમગ્ર વિસ્તારમાં શોકનો માહોલ છવાયો હતો. એવી પણ વિગતો સામે આવી છે કે, પોલીસે ટ્રકના ડ્રાઈવર વિરુદ્ધ ટ્રાફિકનો ભંગ કરવાનો પણ ગુનો નોંધ્યો છે. આ ઘટના બાદ ખંભોળજ પોલીસે હવે આગળની કાર્યવાહી હાથ ધરી છે.
