- મિથાલી રાજે સર્જ્યો ઇતિહાસ
- ઇન્ટરનેશનલ ક્રિકેટમાં બનાવ્યા સૌથી વધારે રન
- રન બનાવનાર પહેલી મહિલા ખેલાડી બની
દિલ્હી :ભારતની મહિલા ક્રિકેટ ટીમના કેપ્ટનનું નામ આમ તો મિથાલી રાજ છે, પરંતુ હવે તેણે તેનું નામ મિથાલી રેકોર્ડ રાજ રાખવું જોઈએ. તે એટલા માટે કે હવે તે લગભગ દરેક મેચમાં કેટલાક પ્રભાવશાળી રેકોર્ડ બનાવે છે. ઇંગ્લેન્ડ સામેની વનડે સિરીઝની પ્રથમ બે મેચોમાં તેણે ઘણાં કમાલો કર્યા હતાં અને હવે ત્રીજી મેચમાં પણ મિથાલી રાજે એવરેસ્ટ જેવો રેકોર્ડ બનાવ્યો છે. હવે મહિલા ક્રિકેટમાં સૌથી વધુ રન બનાવનાર બલ્લેબાજ બની ગઈ છે. મિથાલી રાજે ઇંગ્લેન્ડના પૂર્વ કેપ્ટન શાર્લોટ એડવર્ડ્સનો રેકોર્ડ તોડ્યો. એડવર્ડ્સે 10273 રન બનાવ્યા હતા.
મિથાલી રાજે ઇંગ્લેન્ડની ઇનિંગમાં 14 રન બનાવતાં શાર્લોટ એડવર્ડ્સને પાછળ છોડી દીધો. તેણે હવે ટેસ્ટ, ટી -20 અને વનડેમાં મહિલા ક્રિકેટમાં સૌથી વધુ રન બનાવ્યા છે. આ અંતર્ગત તેણે ટેસ્ટમાં 669 રન, ટી -20 માં 2364 અને વનડેમાં 7244 રન બનાવ્યા છે. મિથાલી અને એડવર્ડ્સ પછી ન્યૂઝીલેન્ડના સુજી બેટ્સનું નામ સૌથી વધુ રન બનાવનારા ખેલાડીમાં આવે છે, જેણે 7849 રન બનાવ્યા છે. વેસ્ટ ઇન્ડીઝની સ્ટેફની ટેલર (7832) ચોથા અને ઓસ્ટ્રેલિયાની મેગ લેનિંગ (7024) પાંચમાં સ્થાને છે.
મિથાલી રાજ મહિલા ક્રિકેટમાં સૌથી વધુ રન બનાવનારી બલ્લેબાજ બનતા જ હવે ક્રિકેટમાં પુરુષો અને મહિલા બંને કેટેગરીમાં ભારતીયોનો દબદબો છે. પુરુષોમાં સચિન તેંડુલકરે સૌથી વધુ 34357 રન બનાવ્યા છે. તો, મિથાલી રાજ પણ તેની લીડને વધુ આગળ લઇ શકે છે. આમ પણ તે કહી ચુકી છે કે, તે 2022 ના વર્લ્ડ કપ સુધી સંન્યાસ લેશે નહીં. સચિન અને મિથાલી વચ્ચે એક રસપ્રદ સંયોગ પણ છે કે, બંનેએ 16 વર્ષ અને 205 દિવસની ઉંમરે પ્રવેશ કર્યો હતો.
38 વર્ષની મિથાલી રાજે 1999 માં આયર્લેન્ડ મહિલા ટીમ સામે આંતરરાષ્ટ્રીય ક્રિકેટમાં પ્રવેશ કર્યો હતો. તેણે 2002 માં પહેલી ટેસ્ટ અને 2006 માં પહેલી ટી 20 મેચ રમી હતી. ત્યારથી તે 11 ટેસ્ટ, 216 વનડે અને 89 ટી -20 રમી ચુકી છે. તેના નામે કુલ સાત શતક અને 78 અર્ધશતક છે.
