- યુક્રેનમાં ફસાયેલા ભારતીયો વતન પહોંચ્યા
- દિલ્હીના 579 લોકો પરત આવવાની જોઈ રહ્યા છે રાહ
- ખારકિવમાં ફસાયેલ લોકો માટે એડવાઇઝરી જારી
દિલ્હી:રોમાનિયાના બુખારેસ્ટથી સ્પેશિયલ ઈન્ડિગો ફ્લાઈટ દ્વારા 219 ભારતીય નાગરિકો ભારત પરત ફર્યા છે.કેન્દ્રીય કૃષિ રાજ્ય મંત્રી કૈલાશ ચૌધરીએ દિલ્હી એરપોર્ટ પર દિલ્હી પરત ફરેલા 219 ભારતીય નાગરિકોનું સ્વાગત કર્યું. કૈલાશ ચૌધરીએ કહ્યું કે,વડાપ્રધાન નરેન્દ્ર મોદી યુક્રેનમાંથી ભારતીય નાગરિકોને બહાર કાઢવા પર સતત નજર રાખી રહ્યા છે.’ઓપરેશન ગંગા’ જ્યાં સુધી દરેક ભારતીય નાગરિક ઘરે પરત ન ફરે ત્યાં સુધી ચાલુ રહેશે.ઉતરાણ સુધી અન્ય દેશોમાં રોકાયા બાદ તેમને તેમના ઘરે લઈ જવાની વ્યવસ્થા કરવામાં આવી છે.દિલ્હી સરકારે ગુરુવારે કહ્યું કે,રાષ્ટ્રીય રાજધાનીના 579 લોકો હજુ પણ યુક્રેનમાં ફસાયેલા છે અને અહીંથી 299 લોકોને પાછા લાવવામાં આવ્યા છે.
અધિકારીઓએ જણાવ્યું કે,સાંજ સુધી જિલ્લા મેજિસ્ટ્રેટ અને સબ-ડિવિઝનલ મેજિસ્ટ્રેટ સહીત જિલ્લા અધિકારીઓએ 606 વિદ્યાર્થીઓના રહેઠાણોની મુલાકાત લીધી જેઓ યુક્રેનમાંથી બહાર કાઢવામાં આવ્યા છે અથવા હજુ પણ ત્યાં અટવાયેલા છે.તેમણે કહ્યું કે 624 લોકોના પરિવારજનોનો ફોન પર સંપર્ક કરવામાં આવ્યો હતો અને મદદની ઓફર કરવામાં આવી હતી.અધિકારીઓએ જણાવ્યું કે,કેન્દ્ર સરકાર દ્વારા આપવામાં આવેલી યાદી અનુસાર યુક્રેનમાં દિલ્હીથી 878 લોકો હતા.
રક્ષા મંત્રાલયે યુક્રેનના ખારકિવમાં ફસાયેલા ભારતીય નાગરિકો અને વિદ્યાર્થીઓ માટે એડવાઈઝરી જારી કરી છે.મંત્રાલયે લોકોને રશિયન લશ્કરી ટુકડીમાંથી મુક્તિ મેળવવા માટે સફેદ ધ્વજ અથવા સફેદ કપડું લહેરાવવાનું કહ્યું છે.રશિયન ભાષામાં બે-ત્રણ શબ્દો રશિયન ભાષામાં શીખી લો – અમે વિદ્યાર્થી છીએ, અમે લડવૈયા નથી, કૃપા કરીને અમને નુકસાન ન પહોંચાડો, અમે ભારતીય છીએ.
