દિલ્હી: મોડી રાત્રે ભૂકંપના જોરદાર આંચકાના કારણે ધરતી ધ્રૂજી ઉઠી હતી. નેશનલ સેન્ટર ફોર સિસ્મોલોજી અનુસાર, પાકિસ્તાન અને ફિલિપાઈન્સમાં ભૂકંપના આંચકા અનુભવાયા હતા. હાલમાં કોઈ જાન-માલના નુકસાનની માહિતી નથી. ગઈકાલે પણ ફિલિપાઈન્સમાં ભૂકંપના જોરદાર આંચકા અનુભવાયા હતા.આ ભૂકંપ બાદ દક્ષિણ ફિલિપાઈન્સ અને ઈન્ડોનેશિયા, પલાઉ અને મલેશિયાના ભાગોમાં સુનામી આવવાની આશંકા હતી. ફિલિપાઈન્સની એક સરકારી એજન્સીએ મિંડાનાઓના પૂર્વ કિનારે આવેલા સુરીગાઓ ડેલ સુર અને દાવાઓ ઓરિએન્ટલ પ્રાંતના લોકોને તાત્કાલિક ઊંચાઈ પર ખસી જવાની સલાહ આપી છે.
વાસ્તવમાં પાકિસ્તાનમાં રાત્રે 11.52 કલાકે ભૂકંપના આંચકા અનુભવાયા હતા. પાકિસ્તાનના પશ્ચિમ વિસ્તારમાં ભૂકંપના આંચકા અનુભવાયા હતા. આ ભૂકંપને કારણે પાકિસ્તાનમાં કોઈ જાનહાની કે જાનમાલના નુકસાનના અહેવાલ નથી. પાકિસ્તાનમાં ભૂકંપની તીવ્રતા રિક્ટર સ્કેલ પર 4.8 નોંધવામાં આવી હતી.ફિલિપાઈન્સમાં ફરી એકવાર ભૂકંપના આંચકા અનુભવાયા છે. અહીં રાત્રે 1.19 કલાકે ભૂકંપ આવ્યો હતો. ફિલિપાઈન્સમાં આવેલા ભૂકંપની તીવ્રતા રિક્ટર સ્કેલ પર 6.8 નોંધાઈ હતી. જો કે આ એક જોરદાર ભૂકંપ હતો, પરંતુ હજુ સુધી કોઈ નુકસાનના અહેવાલ નથી.
ગઈકાલે ફિલિપાઈન્સમાં પણ તીવ્ર ભૂકંપના આંચકા અનુભવાયા હતા, જેની તીવ્રતા રિક્ટર સ્કેલ પર 7.5 માપવામાં આવી હતી. ભૂકંપ બાદ સુનામીની ચેતવણી પણ જારી કરવામાં આવી હતી. ભૂકંપનું કેન્દ્ર 63 કિમી (39 માઇલ) ની ઊંડાઇએ હતું. નેશનલ સેન્ટર ફોર સિસ્મોલોજી અનુસાર, ફિલિપાઈન્સ રાત્રે 8:07 વાગ્યે એક મજબૂત ભૂકંપથી હચમચી ગયું હતું.ભૂકંપની તીવ્રતા એટલી જોરદાર હતી કે લોકોમાં ગભરાટ ફેલાઈ ગયો હતો અને લોકો ગભરાઈને ઈમારતોમાંથી બહાર આવી ગયા હતા. હાલમાં કોઈ જાન-માલના નુકસાનના સમાચાર નથી.
