નવી દિલ્હી, 03 નવેમ્બર 2026: સેનેગલના ડાકારમાં હાલમાં ચાલી રહેલી યુથ ઓલિમ્પિક્સમાં ભારતની ધિનિધિ દેસિંગુએ ઈતિહાસ રચ્યો છે. 16 વર્ષીય ધિનિધિ યુથ ઓલિમ્પિક્સમાં મેડલ જીતનારી પ્રથમ ભારતીય મહિલા તરવૈયા બની છે. ક્રોએશિયાની એના બોબાનોવિચે સુવર્ણ ચંદ્રક મેળવ્યો, જ્યારે ન્યુઝીલેન્ડની એલિસા લોસને રજત ચંદ્રક પ્રાપ્ત કર્યો. આ પહેલાં, ધિનિધિ યુથ ઓલિમ્પિક્સની ફાઇનલમાં પહોંચનારી પણ પ્રથમ ભારતીય મહિલા તરવૈયા બની હતી.
દરમિયાન, ભારતની ખુશ્બુ રજકભાઈ દરજાદાએ મહિલાઓની 63 કિલોગ્રામ વર્ગની સ્પર્ધામાં ફાઇનલ સુધી પહોંચીને જુડોમાં રજત પદક મેળવ્યો છે. 15 વર્ષીય ખુશ્બુએ સેમીફાઇનલમાં અલ્જેરિયાની દુનિયા બેરાહૌલને પરાજય આપ્યો હતો.
ફાઈનલમાં ખુશ્બુ રજકભાઈ દરજાદાનો મુકાબલો જર્મનીની કેડેટ વર્લ્ડ ચેમ્પિયન જોલિના રેઈનહોલ્ડ સાથે થશે.
થંગજામ તાબાબી દેવીએ યુથ ઓલિમ્પિક્સમાં અત્યાર સુધી ભારત માટે જુડોમાં એકમાત્ર મેડલ જીત્યો છે. તેમણે આર્જેન્ટિનાના બ્યુનોસ આયર્સમાં યોજાયેલી 2018ની રમતોમાં મહિલાઓની 44 કિલોગ્રામ શ્રેણીમાં સિલ્વર મેડલ મેળવ્યો હતો.
વધુ વાંચો: સ્ક્વોશમાં ભારતનો ડંકો! વેલાવન સેંથિલકુમારે જીત્યું બીજું PSA કોપર ટાઇટલ
