બર્મિંગહામમાં ઓલ ઈંગ્લેન્ડ બેડમિન્ટન ચેમ્પિયનશિપ શરૂ, 12 ભારતીય ખેલાડીઓ લઈ રહ્યા છે ભાગ
નવી દિલ્હી, 03 માર્ચ 2026: બેડમિન્ટનમાં, ભારત બર્મિંગહામમાં ઓલ ઈંગ્લેન્ડ બેડમિન્ટન ચેમ્પિયનશિપમાં પોતાનું અભિયાન શરૂ કરશે. પાંચેય ઇવેન્ટમાં બાર ભારતીય ખેલાડીઓ ભાગ લઈ રહ્યા છે. બે વખતની ઓલિમ્પિક મેડલ વિજેતા પીવી સિંધુ ગલ્ફ એરસ્પેસ બંધ થવાને કારણે દુબઈમાં ફસાયેલી છે અને તેથી તે ટુર્નામેન્ટમાં ભાગ લઈ શકશે નહીં.
પીવી સિંધુની ગેરહાજરીમાં લક્ષ્ય સેન ટીમનું નેતૃત્વ કરી રહ્યો છે. પુરુષ સિંગલ્સમાં, લક્ષ્ય સેન પ્રથમ રાઉન્ડમાં વિશ્વ નંબર વન અને ડિફેન્ડિંગ ચેમ્પિયન ચીનના શી યુ ચીનો સામનો કરશે.
મહિલા સિંગલ્સમાં, માલવિકા બંસોડનો મુકાબલો ઓલિમ્પિક ચેમ્પિયન અને વિશ્વની ત્રીજા ક્રમાંકિત ચીનની ચેન યુફેઈ સામે થશે. ઉન્નતિ હુડા આઠમા ક્રમાંકિત થાઈલેન્ડની પોર્નપાવી ચોચુવોંગ સામે રમશે. મહિલા ડબલ્સમાં, ટ્રીસા જોલી અને ગાયત્રી ગોપીચંદનો સામનો અનુભવી જાપાની જોડી સયાકા હિરોતા અને આયાકો સાકુરામોટો સામે થશે. મિશ્ર ડબલ્સમાં, ધ્રુવ કપિલા અને તનિષા ક્રાસ્ટોનો સામનો મલેશિયાના હૂ પેંગ રોન અને ચેંગ સુ યિન સામે થશે.
ભારતની સૌથી મોટી ખિતાબની આશા ફરી એકવાર પુરુષ ડબલ્સ ઇવેન્ટ પર ટકેલી છે, જ્યાં વિશ્વના નંબર વન સાત્વિકસાઈરાજ રંકીરેડ્ડી અને ચિરાગ શેટ્ટી આવતીકાલે મલેશિયાના કાંગ ખાઈ શિંગ અને એરોન તાઈ સામે પોતાના અભિયાનની શરૂઆત કરશે.
વધુ વાંચો: ઈરાન અને અમેરિકા-ઈઝરાયલ વચ્ચે મિસાઈલ હુમલાઓ વધુ તીવ્ર બન્યા
