Politicalગુજરાતી

અમદાવાદ મનપા ચૂંટણીઃ કોંગ્રેસમાં 1227થી વધુ નેતાઓએ ચૂંટણી લડવા માટે દાવેદારી કરી

અમદાવાદઃ ગુજરાતમાં આગામી ફેબ્રુઆરી મહિનામાં સ્થાનિક સ્વરાજ્યની ચૂંટણી યોજાવાની છે. અમદાવાદ સહિત છ મહાનગરપાલિકામાં 21મી ફેબ્રુઆરીના રોજ મતદાન યોજાશે. રાજકીય પક્ષો દ્વારા ઉમેદવારોની પસંદગી માટે કવાયત શરૂ કરવામાં આવી છે. દરમિયાન અમદાવાદ શહેરમાં 1200થી વધારે નેતાઓએ ચૂંટણી લડવા માટે દાવેદારી કરી છે. આગામી દિવસોમાં કોંગ્રેસ દ્વારા ઉમેદવારોની પસંદગી કરવામાં આવશે.

પ્રાપ્ત માહિતી અનુસાર અમદાવાદમાં ચૂંટણી લડવા માટે કોંગ્રેસમાં રાફડો ફાડ્યો છે. કોંગ્રેસ છેલ્લા 15 વર્ષથી વિપક્ષમાં છે તેમ છતા અમદાવાદ મનપાના 48 વોર્ડમાં ચૂંટણી લડવા માટે નેતાઓ આગળ આવી રહ્યાં છે. સૌથી વધારે સરસપુર-રખિયાલ વોર્ડમાં સૌથી વધારે 56 દાવેદારોએ ચૂંટણી લડવાની તૈયારી દર્શાવી છે. આવી જ રીતે અસારવામાં 52, ભાઈપુરમાં 50 અને સૌજપુરબોધા વોર્ડમાં 49 નેતાઓએ દર્શાવી છે. શહેરના પૂર્વ વિસ્તારમાં મોટી સંખ્યામાં કોંગ્રેસના નેતા-કાર્યકરો ચૂંટણી લડવા માટે દાવેદારી કરી રહ્યાં છે.

શહેરના પશ્ચિમ વિસ્તારમાં નારણપુરામાં 9 અને નવરંગપુરામાં માત્ર 8 નેતાઓએ દાવેદારી કરી છે. આવી જ રીતે ગોતામાં 10, ચંદલોડિયામાં 12, ચાંદખેડામાં 24, સાબરમતીમાં 28,  રાણીપમાં 13, નવા વાડજમાં 19, ઘાટલોડિયામાં 10, થલતેજમાં 12, સરદાર પટેલ સ્ટેડિયમમાં 24, સરદારનગરમાં 17, નરોડામાં 15, કુબેરનગરમાં 18, શાહીબાગમાં 24, શાહપુરમાં 23 અને ઈન્ડિયા કોલોનાનીમાં 28 નેતાઓએ દાવેદારી કરી છે. કોંગ્રેસ હાઈકમાન્ડ દ્વારા આગામી દિવસોમાં અમદાવાદ મનપાની ચૂંટણી માટે ઉમેદવારોની પસંદગી કરવામાં આવશે. આ ઉપરાંત સ્થાનિક સ્વરાજ્યની ચૂંટણી માટે પ્રચાર પણ શરૂ કરી દેવામાં આવ્યો છે.

Related posts
Regionalગુજરાતી

કોરોનાનું ગ્રહણઃ જૂનાગઢમાં પરંપરાગત મહાશિવરાત્રી મેળાને કરાયો રદ

અમદાવાદઃ ગુજરાતમાં ફરી એકવાર કોરોનાના કેસમાં ચિંતાજનક રીતે વધારો થઈ રહ્યો છે. દરમિયાન જૂનાગઢમાં વર્ષોથી યોજાતા મહાશિવરાત્રી મેળાને આ વર્ષે કોરોના મહામારીને…
Nationalગુજરાતી

વિશ્વનો સૌથી પહેલો પંજાબીમાં વાત કરતો રોબોટ, બાળકોને આપે છે શિક્ષણ

પંજાબમાં વિશ્વનો સૌપ્રથમ પંજાબીમાં બોલતો રોબોટ તૈયાર કરાયો આ રોબોટના નિર્માણ પાછળ દોઢથી 2 લાખ રૂપિયા જેટલો ખર્ચ થયો તેને બનાવવામાં 7…
Nationalગુજરાતી

રાષ્ટ્રીય ડી.જી. કોન્ફરન્સઃ રક્ષા વિભાગના સચિવો પીએમ મોદીને ભાવી તૈયારીઓથી કરશે માહિતગાર

રક્ષા સચિવ પીએમને ભવિષ્ય અને હાલની રક્ષા મામલે જાણકારી આપશે  પીએમ મોદી આ બેઠકને સંબોધિત કરશે દિલ્હી – દેશના વડા પ્રધાન નરેન્દ્ર…

Leave a Reply