અયોધ્યામાં રામલલાના પ્રાણ પ્રતિષ્ઠા માટે અમેરિકા પણ તૈયાર,વોશિંગ્ટનમાં હિન્દુઓએ કાઢી ભવ્ય રેલી
લખનઉ: અયોધ્યામાં 22 જાન્યુઆરીએ રામલલા ના પ્રાણ પ્રતિષ્ઠા કાર્યક્રમની તૈયારીઓ જોરશોરથી ચાલી રહી છે. મંદિરનું બાકીનું બાંધકામ ઝડપથી પૂર્ણ કરવામાં આવી રહ્યું છે. ભારતની સાથે વિદેશોમાં પણ પ્રાણ-પ્રતિષ્ઠા કાર્યક્રમને લઈને ઉત્સાહ જોવા મળી રહ્યો છે. અમેરિકાના વોશિંગ્ટન ડીસીમાં વિશ્વ હિન્દુ પરિષદના નેતૃત્વમાં એક રેલીનું આયોજન કરવામાં આવ્યું હતું અને આ કાર્યક્રમમાં ભાગ લીધો.
માહિતી અનુસાર અયોધ્યામાં રામ મંદિરના આગામી અભિષેકની ઉજવણી કરવા માટે, વિશ્વ હિન્દુ પરિષદ, યુએસની આગેવાની હેઠળના હિંદુ અમેરિકનોએ મેરીલેન્ડના સ્થાનિક હિંદુ મંદિર શ્રી ભક્ત અંજનેય મંદિર ખાતે મીની કાર અને બાઇક રેલીનું આયોજન કર્યું હતું. આ કાર્યક્રમ ‘અયોધ્યા વે’ નામના રસ્તા પર બન્યા, જ્યાં કાર સવારો ભવ્ય ‘પ્રાણ પ્રતિષ્ઠા’ સમારોહની ઉજવણી કરવા માટે શેરીઓમાં ઉતર્યા હતા.
વિશ્વ હિન્દુ પરિષદ ઓફ અમેરિકા ડીસી ચેપ્ટરના પ્રમુખ મહેન્દ્ર સાપા, જે આ કાર્યક્રમના આયોજકોમાંના એક છે, તેમણે કહ્યું કે તેઓ રામ મંદિરના ઉદ્ઘાટન પ્રસંગે વોશિંગ્ટન ડીસી વિસ્તારમાં એક ઐતિહાસિક ઉત્સવનું આયોજન કરી રહ્યા છે. તેમણે કહ્યું, “હિંદુઓના 500 વર્ષના સંઘર્ષ બાદ ભગવાન શ્રી રામ મંદિરનું ઉદ્ઘાટન થઈ રહ્યું છે.તેથી અમે 20 જાન્યુઆરી, 2024ના રોજ વોશિંગ્ટન ડીસી વિસ્તારમાં આશરે 1000 અમેરિકન હિન્દુ પરિવારો સાથે ઐતિહાસિક ઉજવણીનું આયોજન કરી રહ્યા છીએ. મહોત્સવમાં રામલીલા, શ્રી રામની કથાઓ અને ભજનોનું આયોજન કરવામાં આવશે.
અન્ય સહ-આયોજક અનિમેષ શુક્લાએ જણાવ્યું હતું કે આ ઉત્સવમાં અમેરિકી બાળકોની સમજ મુજબ વિવિધ ઉંમરના બાળકો દ્વારા ભગવાન રામના જીવનનું 45 મિનિટનું સ્ટેજિંગ દર્શાવવામાં આવશે. તેમણે બધા પરિવારોને યુએસમાં 20 જાન્યુઆરીએ ઉજવણી તેમજ 22 જાન્યુઆરીએ અયોધ્યામાં વાસ્તવિક ઉદ્ઘાટનમાં હાજરી આપવા આમંત્રણ આપ્યું હતું.
