1. Home
  2. ગુજરાતી
  3. ભારત અમેરિકા પાસેથી 73 હજાર સિગ સૉવર રાઈફલ ખરીદશે
ભારત અમેરિકા પાસેથી 73 હજાર સિગ સૉવર રાઈફલ ખરીદશે

ભારત અમેરિકા પાસેથી 73 હજાર સિગ સૉવર રાઈફલ ખરીદશે

0

ચીન અને પાકિસ્તાનની સરહદ પર તેનાત સેનાના જવાનોને અમેરિકામાં બનેલી અત્યાધુનિક રાઈફલો આપવામાં આવશે. શનિવારે સંરક્ષણ મંત્રાલયે અમેરિકા પાસેથી 73 હજાર સિંગ સૉવર રાઈફલ ખરીદવાના પ્રસ્તાવને મંજૂરી આપી છે. આ પ્રસ્તાવ લાંબા સમયથી અટવાયેલો હતો.

સત્તાવાર સૂત્રો મુજબ, આગામી વર્ષ સુધીમાં આ રાઈફલ ભારતીય સૈનિકોના હાથમાં આવી જશે. તેનાથી ઈન્સાસ રાઈફલના રિપ્લેસ કરવામાં આવશે.

સૂત્રો મુજબ, સંરક્ષણ પ્રધાન નિર્મલા સીતારમણે સિગ સોવર રાઈફલની ખરીદીને લીલી ઝંડી આપી દીધી છે. આવી જ રાઈફલોનો ઉપયોગ અમેરિકા અને અન્ય ઘણાં યુરોપિયન દેશોની સેનાઓ કરી રહી છે.

રાઈફલ ખરીદીના સોદા સાથે જોડાયેલા એક અધિકારીએ કહ્યુ છે કે સપ્તાહમાં આ સોદાને આખરી ઓપ આપવામાં આવશે. એક વર્ષની અંદર અમેરિકન ફર્મ તેને ભારતને ઉપલબ્ધ કરાવી દેશે.

ઓક્ટોબર-2017માં સેનાએ સાત લાખ રાઈફલ, 4 હજાર લાઈટ મશીન ગન્સ અને 44660 કાર્બાઈન ખરીદવાની પ્રક્રિયા શરૂ કરી હતી.

લગભગ અઢાર માસ પહેલા સેનાએ સ્વદેશી એસોલ્ટ રાઈફલને નામંજૂર કરી હતી. આ રાઈફલ ફાયરિંગ ટેસ્ટ પાસ કરી શકી ન હતી. બાદમાં સેનાએ વિદેશી કંપનીઓ પાસેથી રાઈફલ ખરીદવાની માગણી કરી હતી.

LEAVE YOUR COMMENT

Your email address will not be published.