દિલ્હી સરકારના મંત્રી સત્યેન્દ્ર જૈનના ઘરે ED ના દરોડા,મની લોન્ડરિંગ કેસમાં 30 મેના રોજ કરવામાં આવી હતી ધરપકડ 

• સત્યેન્દ્ર જૈનના ઘરે ED ના દરોડા
• 30 મેના રોજ કરવામાં આવી હતી ધરપકડ
• મની લોન્ડરિંગ કેસમાં કરાઈ હતી અટક

દિલ્હી:ED એ આજે ​​કોલકાતા સ્થિત એક કંપની સાથે સંબંધિત હવાલા વ્યવહારોના સંબંધમાં દિલ્હીના આરોગ્ય અને ગૃહમંત્રી સત્યેન્દ્ર જૈનના નિવાસસ્થાને દરોડા પાડ્યા હતા.સવારે 7 વાગ્યાની આસપાસ EDની ટીમ મંત્રીના ઘરે પહોંચી હતી.હાલમાં સત્યેન્દ્ર જૈન 9 જૂન સુધી EDની કસ્ટડીમાં છે.મની લોન્ડરિંગ કેસમાં એન્ફોર્સમેન્ટ ડિરેક્ટોરેટ દ્વારા 30 મેના રોજ જૈનની ધરપકડ કરવામાં આવી હતી.

હકીકતમાં, મની લોન્ડરિંગના મામલામાં મોટી કાર્યવાહી કરતા એન્ફોર્સમેન્ટ ડિરેક્ટોરેટે 30 મેના રોજ દિલ્હી સરકારના સ્વાસ્થ્ય મંત્રી સત્યેન્દ્ર જૈનની ધરપકડ કરી હતી. હાલમાં મંત્રી સત્યેન્દ્ર જૈન 9 જૂન સુધી EDની કસ્ટડીમાં છે. એન્ફોર્સમેન્ટ ડિરેક્ટોરેટ (ED) એ કોલકાતા સ્થિત કંપની સાથે સંકળાયેલા હવાલા વ્યવહારોના કેસમાં આ કાર્યવાહી કરી હતી.એવું કહેવામાં આવી રહ્યું છે કે નકલી કંપનીઓ દ્વારા મળેલી રકમનો ઉપયોગ જમીનની સીધી ખરીદી માટે અથવા દિલ્હી અને તેની આસપાસની ખેતીની જમીન ખરીદવા માટે લેવામાં આવેલી લોનની ચુકવણી માટે કરવામાં આવ્યો હતો. આ જ કિસ્સામાં, સવારે સાત વાગ્યે EDએ ફરીથી સત્યેન્દ્ર જૈનના ઘરની તપાસ કરી.

દિલ્હીના મંત્રી સત્યેન્દ્ર જૈનની ધરપકડ બાદ તેમને ફાળવવામાં આવેલા અડધા ડઝનથી વધુ વિભાગોનો હવાલો નાયબ મુખ્યમંત્રી મનીષ સિસોદિયાને સોંપવામાં આવ્યો હતો.જૈનની 30 મેના રોજ ED દ્વારા ધરપકડ કરવામાં આવી હતી.મંગળવારે અહીંની એક કોર્ટે જૈનને 9 જૂન સુધી ED કસ્ટડીમાં મોકલી દીધો હતો.કોર્ટે કહ્યું હતું કે,કથિત મોટા ષડયંત્રનો પર્દાફાશ કરવા માટે તેની પૂછપરછ જરૂરી છે.તે જ સમયે, ભારતીય જનતા પાર્ટી (BJP) અને કોંગ્રેસ સતત મુખ્યમંત્રી અરવિંદ કેજરીવાલ પાસે જૈનને મંત્રીમંડળમાંથી હટાવવાની માંગ કરી રહી છે.