- નાગિન સિઝન 6 ની જાહેરાત
- એકતા કપૂરે કરી જાહેરાત
- ૩૦ જાન્યુઆરીથી નવો શો થશે શરૂ
મુંબઈ :કલર્સ ટીવીના બિગ બોસ 15માં સલમાન ખાનના ‘વીકેંડ કા વાર’ માં એકતા કપૂર તેની બે પ્રખ્યાત નાગિનો સાથે સામેલ થઇ હતી. તેણે બિગ બોસના મંચ પર નાગિનની નવી સીઝનની જાહેરાત કરી. તેણે કહ્યું કે,ટૂંક સમયમાં જ નાગિન તેની આગામી સિઝન એટલે કે સિઝન 6 સાથે પ્રસારિત થવા જઈ રહી છે. તેણે કહ્યું કે દરેક સીઝનની જેમ આ સીઝનમાં પણ નાગીનમાં બે અભિનેત્રીઓ પસંદ કરવામાં આવશે, જે એકબીજા સાથે ટકરાશે, પરંતુ હાલમાં તેણે એક નાગિનને પસંદ કરી છે.
જ્યારે સલમાન ખાનને પૂછવામાં આવ્યું ત્યારે એકતા કપૂરે કહ્યું કે,તે નાગિનનું પાત્ર ભજવનારી અભિનેત્રીનું પૂરું નામ જાહેર કરશે નહીં પરંતુ તે કહેવા માંગે છે કે તેની હિરોઈનનું નામ ‘M’ થી શરૂ થાય છે. ટૂંક સમયમાં દર્શકોને આ શોનો પ્રોમો જોવા મળશે. તેણીએ એમ પણ કહ્યું કે,તે બિગ બોસ ‘વીકેંડ કા વાર’માં ભાગ લેવા માટે તેની સાથે બે નાગને પણ લાવી છે. એકતા કપૂરની સાથે તેની ફેવરિટ નાગિન સુરભી ચંદના અને સીઝન 2ની નાગિન અનિતા હસનંદાની પણ સલમાનને મળી હતી.
ટીવી ક્વીન એકતા કપૂરે એ પણ જાહેરાત કરી હતી કે,નાગીનની નવી સીઝન 30 જાન્યુઆરીથી પ્રસારિત થવા જઈ રહી છે. આ સાથે ત્રણેય સલમાનને મળ્યા બાદ બિગ બોસના ઘરમાં ગયા હતા. એકતા કપૂરે કરણ કુન્દ્રાના શો ‘કિતની મોહબ્બત હૈ જિંદગી’થી સીરિયલની દુનિયામાં પ્રવેશ કર્યો હતો. તેથી જ તેને જોઈને કરણ કુન્દ્રાના ચહેરા પર મોટું સ્મિત આવી ગયું.
