નવી દિલ્હીઃ પશ્ચિમ બંગાળના મુખ્યમંત્રી મમતા બેનર્જીએ ફરી એકવાર કેન્દ્રીય એજન્સીઓ પર સવાલ ઉઠાવ્યા છે. દરમિયાન અભિષેક બેનર્જીને એન્ફોર્સમેન્ટ ડિરેક્ટોરેટ દ્વારા સમન્સ મોકલવામાં આવ્યા છે. તેમને કોલસા કૌભાંડ કેસમાં પૂછપરછ માટે સમન્સ પાઠવવામાં આવ્યા છે.
સીએમ બેનર્જીએ એજન્સીઓના સમન્સને ‘ખુલ્લી હિંસા’ ગણાવી છે. તાજેતરમાં, તેમણે 2024ની ચૂંટણીને તેમની ‘છેલ્લી લડાઈ’ ગણાવી હતી. તેમજ કહ્યું કે, મને ખબર હોત કે રાજકારણ આટલું ગંદુ છે તો મે રાજકારણમાં પ્રવેશ મેળવ્યો ન હોત.
પશ્ચિમ બંગાળના મુખ્યમંત્રી અને તૃણમૂલ કોંગ્રેસના સુપ્રીમો મમતા બેનર્જીએ કહ્યું હતું કે, “એજન્સીનું સમન્સ એ માત્ર બદલાની રાજનીતિ નથી, તે ખુલ્લી હિંસા છે, જો મને ખબર હોત કે રાજકારણ આટલું ગંદું થઈ જશે, તો હું ક્યારેય રાજકારણમાં આવી ન હોત.” તેમણે ફરી આરોપ લગાવ્યો કે, પશુઓ અને કોલસાની દાણચોરીના મુદ્દાઓ કેન્દ્રીય ગૃહ મંત્રાલય અને કેન્દ્ર સરકારની જવાબદારી છે.
“તમે બધાને હંમેશા મૂર્ખ બનાવી શકતા નથી, તમે જે રીતે પુરાવા વિના મીડિયામાં અમને બદનામ કરો છો, તમે જે પ્રકારની ભાષાનો ઉપયોગ કરો છો અને ‘સ્રોતો’ ટાંકો છો, તમારે વિચારવું જોઈએ કે, જો તે જ વસ્તુ કરવામાં આવે તો તમે, શું થશે, , TMC નેતાઓએ કહ્યું હતું કે, ED અને કેન્દ્રીય તપાસ બ્યુરો એટલે કે CBI પાર્ટીના કાર્યક્રમોની આસપાસ તેમની વિરુદ્ધ કામ કરી રહી છે.
