દેશમાં રૂ. બે હજારની નોટ ચલણમાં દુર કરવાના નિર્ણયની સોનાના ભાવ ઉપર પડી અસર
નવી દિલ્હીઃ દેશમાં છેલ્લા કેટલાક સમયથી સોના અને ચાંદીના ભાવમાં ભારે ઉતાર-ચઢાવ જોવા મળી રહ્યો છે. જેના કારણે ગ્રાહકોના ચહેરા પર ચમક જોવા મળી રહી છે. હાલના દિવસોમાં, બુલિયન માર્કેટમાં સોનું તેના ઉચ્ચ સ્તરના દર કરતાં લગભગ રૂ. 1,100 સસ્તું વેચાઈ રહ્યું છે. જો તમારા ઘરે લગ્ન છે, તો તમે સોનું ખરીદીને જલ્દી ઘરે લાવી શકો છો.
નિષ્ણાતોના મતે, તમે વહેલા સોનું ખરીદીને પૈસા બચાવી શકો છો. તેનું કારણ એ છે કે આગામી દિવસોમાં સોનું વધુ મોંઘું સાબિત થાય તેવી શક્યતા છે. બજારમાં 24 કેરેટ/22 કેરેટ (10 ગ્રામ) સોનાના દરમાં ઘટાડો નોંધાઈ રહ્યો છે. હવે રૂ. 2000ની નોટ ટૂંક સમયમાં ચલણમાંથી બહાર થઈ જશે, તેવી જ રીતે દેશભરના બજારમાં સોનાની કિંમતમાં વધારો થયો છે. 2000 રૂપિયાના નોટબંધીના સમાચારને કારણે કિંમતમાં વધારો થયો હતો. 10 ગ્રામ દીઠ 450 રૂપિયાનો વધારો થયો હતો. સોનું 62150 રૂપિયા પ્રતિ 10 ગ્રામ પર બંધ થયું હતું. જો કે, આજે શનિવારે ભાવમાં 420 રૂપિયાનો ઘટાડો નોંધાયો હતો. આજે (20 મે, 2023) 24 કેરેટ સોના (10 ગ્રામ)નો ભાવ રૂ.60,280 હતો, જ્યારે ભારતમાં 22 કેરેટ (10 ગ્રામ)નો ભાવ રૂ.55,210 હતો. ઓડિશાની રાજધાની ભુવનેશ્વરમાં સોનાના ભાવમાં 330 રૂપિયા (પ્રતિ 10 ગ્રામ)નો ઘટાડો નોંધાયો હતો. અહીં 24 કેરેટ સોના (10 ગ્રામ)નો ભાવ 60,870 રૂપિયા નોંધાયો હતો. તેના 22 કેરેટ સોના (10 ગ્રામ)નો ભાવ 55,800 રૂપિયા નોંધાયો હતો.
દેશની રાજધાની દિલ્હીમાં 24 કેરેટ સોનાનો ભાવ 61,020 રૂપિયા પ્રતિ 10 ગ્રામ નોંધાયો હતો, તમિલનાડુની રાજધાનીમાં 24 કેરેટ સોનાની કિંમત 52,285 રૂપિયા પ્રતિ 10 ગ્રામ હતી, જ્યારે 22 કેરેટ સોનાની કિંમત 47,927 રૂપિયા પ્રતિ 10 ગ્રામ હતી.
