ઈસરોની સિદ્ધી, 1975થી અત્યાર સુધી ભારતના 129 અને 36 દેશોના 342 વિદેશ ઉપગ્રહોને લોન્ચ કર્યા
- આજે ભારત પાસે અવકાશમાં કુલ 53 કાર્યરત
- 1975થી અત્યાર સુધી ભારતના 129 ઉપગ્રહો લોન્ચ કર્યા
- 36 દેશના 342 વિદેશી ઉપગ્રહોને લોન્ચ કર્યા
રાજકોટ: ઈસરો દ્વારા દિવસે ને દિવસે અનોખી સિદ્ધીઓ પ્રાપ્ત કરવામાં આવે છે. ત્યારે જો ઈસરોના સફરની વાત કરવામાં આવે તો 1975થી અત્યાર સુધી ભારતના 129 અને 36 દેશોના 342 વિદેશ ઉપગ્રહોને લોન્ચ કર્યા છે.
રાજ્યસભામાં એક પ્રશ્નના લેખિત જવાબમાં ડૉ. જિતેન્દ્ર સિંહે જણાવ્યું હતું કે, આજે ભારત પાસે અવકાશમાં કુલ 53 કાર્યરત ઉપગ્રહો છે જે રાષ્ટ્રને વિવિધ પરિચિત સેવાઓ પૂરી પાડે છે. આમાંથી 21 કમ્યુનિકેશન સેટેલાઇટ, 8 નેવિગેશન સેટેલાઇટ, 21 અર્થ ઓબ્ઝર્વેશન સેટેલાઇટ અને 3 સાયન્સ સેટેલાઇટ છે. ISROની ઓપરેશનલ એપ્લીકેશનને વધુ વધારવા અને દેશમાં ઉભરતી એપ્લિકેશનો અને યુઝર મિનિસ્ટરીયલ જરૂરિયાતોને પૂરી કરવા માટે વધુ સંખ્યામાં ઉપગ્રહો લોન્ચ કરવાની યોજના છે.
કેન્દ્રીય રાજ્ય મંત્રી (સ્વતંત્ર હવાલો) વિજ્ઞાન અને ટેકનોલોજી; રાજ્ય મંત્રી (સ્વતંત્ર હવાલો) પૃથ્વી વિજ્ઞાન; PMO, પર્સોનેલ, જાહેર ફરિયાદો, પેન્શન, અણુ ઊર્જા અને અંતરિક્ષ રાજ્યમંત્રી ડૉ. જીતેન્દ્ર સિંહે આજે જણાવ્યું હતું કે, ISROએ ભારતીય મૂળના કુલ 129 ઉપગ્રહો અને 36 દેશોના 342 વિદેશી ઉપગ્રહો લોન્ચ કર્યા છે, જેમાંથી લગભગ 39 ઉપગ્રહો વ્યાવસાયિક ઉપગ્રહો છે. બાકીના નેનો ઉપગ્રહો 1975થી છે.
સેટેલાઇટ સક્ષમ ડેટા અને સેવાઓનો ઉપયોગ દેશના વિવિધ ક્ષેત્રોના લાભ માટે કરવામાં આવી રહ્યો છે. આમાં ટેલિવિઝન બ્રોડકાસ્ટિંગ, ડાયરેક્ટ-ટુ-હોમ, એટીએમ, મોબાઇલ કમ્યુનિકેશન, ટેલિ-એજ્યુકેશન, ટેલિ-મેડિસિન અને હવામાન, જંતુના ઉપદ્રવ, કૃષિ-હવામાન વિજ્ઞાન અને સંભવિત માછીમારી ઝોનનો સમાવેશ થાય છે.
