લેહ-લદ્દાખ બોર્ડર સુધી બનશે નવી રેલ અને રોડ ટનલઃ સંકટ સ્થિતિમાં સેનાના ઉપયોગ માટે કરાશે નિર્માણ
- લેહ-લદ્દાખ બોર્ડર સુધી બનશે નવી રેલ અને રોડ ટનલ
- સંકટ સ્થિતિમાં સેનાના ઉપયોગ માટે થશે નિર્માણ
દિલ્હીઃ ચીન સાછે ચાલી રહેલા તણાવ બાદ લેહ-લદ્દાખ સરહદ પર ઝડપી રેલ અને રોડ કનેક્ટિવિટીને કેન્દ્ર સરકાર સર્વોચ્ચ પ્રાથમિકતા આપી રહી છે. ત્યારે હવે આ સ્થિતિને ધ્યાનમાં રાખીને, એશિયાની સૌથી લાંબી અને સૌથી ઊંચાઈ પર સ્થિતિ ઝોજીલા ટનલની સમાંતર નવી રેલ અને રોડ ટનલ ઝોજીલા ફેઝ -2 બનાવવાનો પ્રસ્તાવ રજૂ કરવામાં આવ્યો છે.
ઝોઝીલા ટનલ ફેઝ -2 બનાવવાનો હેતુ કટોકટીની સ્થિતિમાં રોડ ટ્રાફિકને રોકવાનો અને માત્ર સેના માટે ટ્રેનો ચલાવવાનો છે. જેથી લશ્કરી વાહનો, લોજિસ્ટિક્સ, ટેન્કો વગેરે સરહદ પર ઝડપી પહોંચાડી શકાય. આ સંભવત દેશની પહેલી સુરંગ હશે જેમાં ેક જ રસ્તા પર ટ્રેનો રેલવે ટ્રેક પર ચાલશે અને વાહનો રસ્તા પર દોડશે.
ઉલ્લેખનીય છે કે દેશના પ્રધાનમંત્રી કાર્યાલય એ લેહ-લદ્દાખ બોર્ડર કનેક્ટિવિટી માટે ટનલમાં જ રસ્તાની સાથે રેલવે ટ્રેક બનાવવાના વિકલ્પ પર કામ કરવાનું સૂચન કર્યું હતું. ત્યાર બાદ નેશનલ હાઇવે ઇન્ફ્રાસ્ટ્રક્ચર એન્ડ ડેવલપમેન્ટ કોર્પોરેશન લિમિટેડ દ્વારા રાષ્ટ્રીય માર્ગ પરિવહન અને રાજમાર્ગ મંત્રાલય, ગિરધર અરમાન દ્વારા ઝોઝીલા ટનલ ફેઝ -2 અંગે રજૂઆત કરવામાં આવી છે. આમાં બે વિકલ્પો છે. પ્રથમ ટનલમાં માત્ર રેલવે ટ્રેક બનાવવાનો છે, જ્યારે બીજો રેલ અને રોડ બંને ટનલ બનાવવાનો છે.
આ બેઠકમાં વિભાગે માહિતી આપી હતી કે રેલવે શ્રીનગર-લેહ વચ્ચે ટ્રેક બનાવવાની યોજના નથી. રેલ્વે હિમાચલમાં મનાલી લેહ વાયા બિલાસપુર રેલવે ટ્રેક બનાવવાનું વિચારી રહી છે. આ માર્ગ પર 40 થી વધુ રેલ ટનલ બનાવવામાં આવશે. જેનો ઘણો ખર્ચ થશે. ગિરધરે NHAIDCL ના ઉચ્ચ અધિકારીઓને જમ્મુ-શ્રીનગર-કારગિલ-લેહ પ્રોજેક્ટ શરૂ કરવા માટે રેલ મંત્રાલય સાથે વાત કરવાનો નિર્દેશ આપ્યો છે.
આ સમગ્ર બાબતને લઈને અધિકારીઓએ જણાવ્યું હતું કે રેલવે મંત્રાલય તરફથી લીલી ઝંડી મળ્યા બાદ આ પ્રોજેક્ટ પર કામ શરૂ કરવામાં આવશે. આ સંદર્ભે, NHAIDCL એ માર્ગ પરિવહન મંત્રાલયને ઓગસ્ટ મહિનામાં ઝોજીલા ફેઝ -2 ટૂંક સમયમાં કામ શરુ કરવામાં આવે તે માટે પત્ર લખ્યો છે.
