શેફાલી વર્માના નામે નવો વર્લ્ડ રેકોર્ડ, એક વર્ષમાં બનાવ્યા સૌથી વધુ રન

નવી દિલ્હી, 24 સપ્ટેમ્બર 2026: ભારતીય મહિલા ક્રિકેટ ટીમની સ્ટાર બેટર શેફાલી વર્માએ એક જ કેલેન્ડર વર્ષમાં સૌથી વધુ રન બનાવવાનો વિશ્વ વિક્રમ સ્થાપ્યો છે. તેણે દક્ષિણ આફ્રિકાની દિગ્ગજ બેટર લોરા વોલ્વાર્ડનો રેકોર્ડ તોડ્યો છે. આ ભારતીય બેટરે વર્ષ 2026માં સૌથી વધુ T20 આંતરરાષ્ટ્રીય રન બનાવ્યા છે. તેણે 2026ની એશિયન ગેમ્સમાં મહિલા ક્રિકેટ સ્પર્ધા દરમિયાન શ્રીલંકા સામેની ફાઈનલ મેચમાં 48 રનની ઇનિંગ્સ રમી હતી.

આ સાથે, શેફાલીએ આ વર્ષે આ ફોર્મેટમાં કુલ 863 રન બનાવ્યા છે. તેણે 24 મેચોમાં 162.83ના સ્ટ્રાઈક રેટથી આ રન નોંધાવ્યા હતા. અગાઉ, 824 રન સાથે આ રેકોર્ડ લૌરા વોલ્વાર્ડના નામે હતો; નોંધપાત્ર વાત એ છે કે, દક્ષિણ આફ્રિકાની આ બેટરે પણ આટલા રન તે જ વર્ષે બનાવ્યા હતા.

એક કેલેન્ડર વર્ષમાં સૌથી વધુ રન (મહિલા T20 આંતરરાષ્ટ્રીય)

શેફાલી વર્મા – 863 રન (2026)

લોરા વોલ્વાર્ડ્ટ – 824 રન (2026)

નતાશા માઇલ્સ – 800 રન (2026)

એશા ઓઝા – 779 રન (2025)

યાસમીન દાસવાની – 779 રન (2026)

એશિયન ગેમ્સમાં શેફાલી વર્માનું બેટ ચમક્યું

એશિયન ગેમ્સની મહિલા ક્રિકેટ સ્પર્ધામાં શેફાલી સૌથી વધુ રન બનાવનાર ખેલાડી રહી હતી. તેણે ત્રણ મેચની ત્રણ ઇનિંગ્સમાં કુલ 188 રન બનાવ્યા હતા, જેમાં તેની સરેરાશ 188 અને સ્ટ્રાઇક રેટ 202.15 રહ્યો હતો. આ અભિયાન દરમિયાન તેણે એક સદી પણ ફટકારી હતી.