ટોક્યોમાં PM મોદીનું ઉષ્માભર્યું સ્વાગત,’જય શ્રી રામ’ના લાગ્યા નારા, ક્વાડ કોન્ફરન્સમાં હાજરી આપશે
- ટોક્યોમાં PM મોદીનું ઉષ્માભર્યું સ્વાગત
- ‘જય શ્રી રામ’ના લાગ્યા નારા
- ક્વાડ કોન્ફરન્સમાં આપશે હાજરી
દિલ્હી:વડાપ્રધાન નરેન્દ્ર મોદી ક્વાડ નેતાઓની બેઠકમાં ભાગ લેવા જાપાન પહોંચી ગયા છે.આ દરમિયાન ભારતીય પ્રવાસીઓએ ટોક્યોમાં પીએમ મોદીનું ઉષ્માભર્યું સ્વાગત કર્યું હતું.ક્વાડ બેઠકમાં ભાગ લેવા ઉપરાંત પીએમ બે દિવસીય પ્રવાસ પર છે, જે આજથી એટલે કે સોમવારથી શરૂ થઈ રહી છે.ક્વાડ સુરક્ષા સંવાદમાં ભારત, જાપાન, અમેરિકા અને ઓસ્ટ્રેલિયાના નેતાઓ ભાગ લેશે.
ટોક્યો પહોંચતા પીએમ મોદીનું ઉષ્માભર્યું સ્વાગત કરવામાં આવ્યું હતું.ભારતીય મૂળના લોકોએ કહ્યું, “અમે પીએમ મોદીનું જાપાનમાં સ્વાગત કરતાં અત્યંત ખુશ છીએ.તેમની ઊર્જા સંક્રામક છે. તેમણે અમને દરેક જગ્યાએ ગૌરવ અપાવ્યું છે.”
જાપાનમાં રહેતા ભારતીય પ્રવાસીઓએ ‘જય શ્રી રામ’ના નારા લગાવ્યા હતા તેમજ આ દરમિયાન પીએમ મોદીને ‘લાયન ઓફ મધર ઈન્ડિયા’ કહેવામાં આવ્યા હતા.પીએમ મોદી ભારતીય પ્રવાસીઓ અને સ્થાનિક લોકોને પણ મળ્યા હતા.
જાપાનના વડાપ્રધાન ફ્યુમિયો કિશિદાના આમંત્રણ પર 23-24 મે દરમિયાન મુલાકાત માટે અહીં પહોંચ્યા છે.વડાપ્રધાન મોદી જાપાનમાં તેમના લગભગ 40 કલાકના રોકાણ દરમિયાન વિશ્વના ત્રણ નેતાઓ સાથેની બેઠકો સહિત 23 કાર્યક્રમોમાં હાજરી આપશે. પીએમ મોદી 24 મેના રોજ ટોક્યોમાં ક્વાડ સમિટમાં યુએસ પ્રમુખ જો બાઈડેન અને ઓસ્ટ્રેલિયા અને જાપાનના વડાપ્રધાનો સાથે જોડાશે.તે 36 થી વધુ જાપાની સીઈઓ અને સેંકડો ભારતીય વિદેશી સભ્યો સાથે વાર્તાલાપ કરશે.
