બેંગ્લોરઃ તમિલનાડુના નીલગીરીમાં ચૂંટણી પંચના અધિકારીઓએ કોંગ્રેસ સાંસદ રાહુલ ગાંધીના હેલિકોપ્ટરની તલાશી લીધી હતી. પોલીસે જણાવ્યું કે, હેલિકોપ્ટર અહીં ઉતર્યા બાદ ફ્લાઈંગ સ્ક્વોડના અધિકારીઓએ તલાશી લીધી હતી. રાહુલ તેમના સંસદીય ક્ષેત્ર કેરળના વાયનાડ જઈ રહ્યા હતા, જ્યા તે સાર્વજનિક રેલીઓ સહિત અનેક ચૂંટણી અભિયાનમાં ભાગ લેવાના હતા.
• વાનયાડમાં રાહુલએ કર્યો રોડ શો
તમિલનાડુના સીમાવર્તી ક્ષેત્ર નીલગીરી જિલ્લામાં રાહુલ ગાંધીએ આર્ટસ એન્ડ સાયન્સ કોલેજના વિદ્યાર્થીઓ સાથે મુલાકાત કરી. પછી સડક માર્ગથી કેરળના સુલતાન બાથેરી પહોંચ્યો. રાહુલે ખુલ્લી છતવાળી કારમાં બેસીને લોકોને અભિવાદન સ્વીકાર્યું. તેના રોડ શોમાં સેંકડો લોકો જોડાયા હતા. જણાવીએ કે વાયનાડ મતવિસ્તારમાં તેનો મુકાબલો સીપીઆઈ નેતા એની રાજા અને ભાજપના ઉમેદવાર સુરેન્દ્રનનો છે.
• ‘ભારતમાં એક જ નેતા હોવો જોઈએ’
રોડ શો દરમિયાન રાહુલે ત્યાં હાજર લોકોને સંબોધિત કર્યા. તેણે કહ્યું, “અમારી લડાઈ મુખ્યત્વે આરએસએસની વિચારધારા સાથે છે. ભાજપ અને પ્રધાનમંત્રીનું કહેવું છે કે તેઓ એક રાષ્ટ્ર, એક ચૂંટણી, એક નેતા, એક ભાષા ચાહે છે. ભાષા કોઈ લાદવામાં આવેલી વસ્તુ નથી. ભાષા એવી વસ્તુ છે જે લોકોમાંથી આવે છે. તારીખની ઘોષણા બાદ રાહુલ ગાંધી બીજી વખત પોતાના મતવિસ્તારમાં આવ્યા હતા.
કોંગ્રેસ સાંસદ તેમની વાયનાડ મુલાકાત દરમિયાન માનંતાવાડી બિશપને મળે તેવી સંભાવના છે. સાંજે કોંગ્રેસના નેતા કોઝિકોડ જિલ્લામાં એક રેલીને સંબોધિત કરશે. તમને જણાવી દઈએ કે લોકસભા ચૂંટણીની તારીખની જાહેરાત બાદ રાહુલ ગાંધી બીજી વખત પોતાના મતવિસ્તારમાં આવ્યા છે.
