સાંજના સમયે બાળકોથી લઈને મોટાઓ સુધી દરેકને કંઈક મસાલેદાર અને સ્વાદિષ્ટ નાસ્તો ખાવાની ઈચ્છા હોય છે. બહારથી મંગાવેલા બર્ગરમાં વપરાતું તેલ અને પ્રોસેસ્ડ મસાલા સ્વાસ્થ્ય માટે હાનિકારક સાબિત થઈ શકે છે. જો તમે પણ તમારા પરિવારને હેલ્ધી ફૂડ આપવા માંગો છો, તો ઘરે જ ખૂબ જ ઓછા સમયમાં બનાવી શકાય તેવા 5 ઈન્સ્ટન્ટ અને ડિલીશિયસ બર્ગરની વિગતવાર રેસિપી નીચે મુજબ છે:
-
ઓલ ટાઈમ ફેવરિટ ‘ક્લાસિક આલુ ટીક્કી બર્ગર’
બાળકો અને મોટાઓનું ઓલ-ટાઈમ ફેવરિટ આલુ ટીક્કી બર્ગર બનાવવું ખૂબ જ સરળ છે.
બનાવવાની રીત: બાફેલા બટાકા, બાફેલા વટાણા, મીઠું, ગરમ મસાલો અને ઝીણા સમારેલા લીલા મરચાં ભેગા કરીને ગોળ ટીક્કી બનાવી લો. તવા પર થોડું તેલ મૂકીને ટીક્કીને બંને બાજુથી ગોલ્ડન અને ક્રિસ્પી થાય ત્યાં સુધી શેકી લો. ત્યારબાદ બર્ગર બનને વચ્ચેથી કાપીને બટર પર શેકો. બન પર ટોમેટો સોસ અથવા મેયોનીઝ લગાવી, ગરમાગરમ આલુ ટીક્કી, ડુંગળી અને ટામેટાંના ગોળ ટુકડા મૂકીને બન બંધ કરી દો.
-
ક્રીમી ચીઝ એન્ડ વેજી બર્ગર
જો તમને ચીઝી અને ક્રીમી ટેસ્ટ પસંદ હોય તો આ બર્ગર તમારા માટે બેસ્ટ ઓપ્શન છે.
બનાવવાની રીત: એક બાઉલમાં ઝીણા સમારેલા કાકડી, ટામેટાં, કેપ્સિકમ અને બાફેલા સ્વીટ કોર્ન મિક્સ કરો. તેમાં બે ચમચી મેયોનીઝ, કાળા મરીનો પાવડર અને સહેજ મીઠું ઉમેરીને મિશ્રણ તૈયાર કરો. બર્ગર બનના નીચેના ભાગ પર બટર અથવા લીલી ચટણી લગાવો. તેના પર શાકભાજીનું ક્રીમી મિશ્રણ ફેલાવો અને ઉપરથી ચીઝ સ્લાઈસ મૂકીને બંધ કરી દો. ચીઝને ઓગાળવા માટે તેને તવા પર 1 મિનિટ માટે હળવું ગરમ કરી શકો છો.
-
પ્રોટીનથી ભરપૂર ‘ઈન્સ્ટન્ટ પનીર બર્ગર’
પનીર પ્રોટીનથી ભરપૂર હોવાથી આ બર્ગર ટેસ્ટી હોવાની સાથે સ્વાસ્થ્ય માટે પણ ખૂબ જ ફાયદાકારક છે.
બનાવવાની રીત: પનીરના ચોરસ અને થોડા જાડા ટુકડા કાપી લો. તવા પર થોડું બટર મૂકી, પનીર પર મીઠું, લાલ મરચું પાવડર અને ચાટ મસાલો છાંટીને બંને બાજુથી શેકી લો. બનના એક ભાગ પર તંદુરી મેયોનીઝ અને બીજા ભાગ પર લીલી ચટણી લગાવો. વચ્ચે શેકેલું પનીર, ડુંગળીની રીંગ્સ અને કોબીજનું પાન મૂકી ઉપર ચાટ મસાલો છાંટો. આ પ્રોટીન-રિચ બર્ગર માત્ર 5 મિનિટમાં તૈયાર થઈ જાય છે.
-
પૌષ્ટિક અને ટેસ્ટી ‘સોયા બર્ગર’
આલુ કે પનીરથી કંઈક અલગ અને નવું ટ્રાય કરવા માંગતા લોકો માટે સોયા બર્ગર એક ઉત્તમ વિકલ્પ છે.
બનાવવાની રીત: સોયા ચંક્સને ગરમ પાણીમાં 10 મિનિટ પલાળી રાખ્યા બાદ પાણી નીચોવીને મિક્સરમાં દરદરા પીસી લો. તેમાં એક બાફેલું બટાકું, લીલા મરચાં, લીલા ધાણા અને મસાલા ઉમેરીને ટીક્કી બનાવી શેકી લો. બર્ગર બન પર બટર, લીલી ચટણી અને સોસ લગાવીને ટીક્કી, ડુંગળી અને કાકડી મૂકીને સર્વ કરો. આ બર્ગર શરીરને ઉર્જા અને તાકાત આપે છે.
-
બાળકોનું ફેવરિટ ‘તવા બટર મેગી બર્ગર’
બાળકોને મેગી અને બર્ગર બંને ખૂબ જ ભાવતા હોય છે, તેથી આ કોમ્બીનેશન બાળકોને ખૂબ પસંદ આવશે.
બનાવવાની રીત: સૌપ્રથમ કોરી મેગી બનાવી લો, જેમાં પાણી બિલકુલ ન રહે. બર્ગર બન પર બટર લગાવીને શેકો અને તેના નીચેના ભાગ પર ટોમેટો સોસ લગાવી પકેલી મેગી ગોઠવો. મેગી પર ચીઝ સ્લાઈસ અથવા પ્રોસેસ્ડ ચીઝ છાંટો અને ડુંગળીના ટુકડા મૂકીને બર્ગર બંધ કરો. આ યુનિક બર્ગર બાળકો માટે બેસ્ટ ઈવનિંગ સ્નેક છે.
