- ભારતીય મહિલા શૂટર અવનીએ ઇતિહાસ રચ્યો
- 50 મીટર રાઇફલ ઇવેન્ટમાં જીત્યો બ્રોન્ઝ મેડલ
- અગાઉ અવનીએ 10 મીટર સ્પર્ધામાં ગોલ્ડ મેડલ જીત્યો હતો
નવી દિલ્હી: ટોક્યો પેરાલિમ્પિકની હાઇ જમ્પ ઇવેન્ટમાં ભારતીય પેરા એથ્લીટ પ્રવીણ કુમારે આજે સિલ્વર મેડલ જીત્યા બાદ ભારત માટે વધુ એક ખુશીના સમાચાર છે. ભારતની મહિલા શૂટર અવની લેખારાએ મહિલા 50 મીટર રાઇફલ P3 SH1 સ્પર્ધામાં બ્રોન્ઝ મેડલ જીત્યો છે. આ સાથે અવની એક જ પેરાલિમ્પિકમાં બે મેડલ જીતનારી પ્રથમ ભારતીય મહિલા બની ગઇ છે. અવનીએ 10 મીટર સ્પર્ધામાં ગોલ્ડ મેડલ જીત્યો હતો.
Meet The phenomenal young Legend!! With this #Bronze 🥉medal in 50M Rifle 3P SH1 just days after her Gold, @AvaniLekhara becomes the First Ever Indian woman to win 2 medals in the same Games @paralympics!!!
✨🔥✨ #Praise4Para
@shootingparasport #Paralympics #Tokyo2020 pic.twitter.com/hzll4lftNp— Paralympic India 🇮🇳 (@ParalympicIndia) September 3, 2021
અગાઉ અવની લેખારાએ 10 મીટરની ઇવેન્ટમાં ગોલ્ડ મેડલ જીત્યો હતો. ત્યારબાદ હવે અવનીએ 50 મીટર રાઇફલ ઇવેન્ટમાં 445.9 પોઇન્ટ સાથે ત્રીજા સ્થાને રહી બ્રોન્જ મેડલ કબજે કર્યો છે. અવનીએ 19 વર્ષની ઉંમરે ઇતિહાસ રચ્યો છે.
પેરાલિમ્પિકમાં આજે ભારતને બીજો મેડલ મળ્યો છે. આ પહેલા પ્રવીણ કુમારે હાઈ જમ્પમાં એશિયન રેકોર્ડ બનાવવાની સાથે સિલ્વર મેડલ જીત્યો છે. ભારતનું ટોક્યો પેરાલિમ્પિકમાં શાનદાર પ્રદર્શન રહ્યું છે. ભારતને અત્યાર સુધી કુલ 12 મેડલ મળ્યા છે. જેમાં 2 ગોલ્ડ, 6 સિલ્વર અને 4 બ્રોન્ઝ મેડલનો સમાવેશ થાય છે.
