- ટોક્યો ઓલિમ્પિક્સની ઑપનિંગ સેરેમની યોજાઇ
- 21માં સ્થાને રહેલા ભારતીય દળે કર્યું માર્ચપાસ્ટ
- ભારતીય હોકી ટીમના કેપ્ટન મનપ્રીત સિંહ અને બોક્સર મેરી કોમ ટૂકડીના ધ્વજવંદક બન્યા
નવી દિલ્હી: જાપાનની રાજધાની ટોક્યોમાં ટોક્યો ઓલિમ્પિકનો સત્તાવાર ઉદ્વાટન સમારોહ નેશનલ સ્ટેડિયમ ખાતે થયો છે. તેનો પ્રારંભ ભારતીય સમય અનુસાર સાંજે 4.30 વાગ્યે થયો હતો. ભારતીય ટીમ 21માં સ્થાને છે. ભારતીય ઓલિમ્પિક એસોસિએશનના મહાસચિવ રાજીવ મહેતાએ આ માહિતી આપી હતી. માર્ચ પાસ્ટમાં ઓલિમ્પિક ચંદ્રક વિજેતા બોક્સર મેરી કોમ તેમજ હોકી ટીમના કેપ્ટન મનપ્રીત સિંહ ભારતીય ટૂકડીના ધ્વજવંદક હતા.
આ વખતે કોરોના સંક્રમણના સંકટને ધ્યાનમાં રાખતા ઇન્ડિયન ઓલિમ્પિક એસોસિએશને માત્ર 20 ભારતીય એથલીટ્સને ઑપનિંગ સેરેમનીમાં ભાગ લેવાની મંજૂરી આપી છે. આ ઉપરાંત 6 અધિકારીઓને પણ તેમાં સામેલ થવાનું કહેવાયું છે. સાથે જ ખેલાડીઓની ઇવેન્ટ ઓલિમ્પિકના પહેલાં દિવસે છે તેમને ભાગ ના લેવાનું સૂચન કરવામાં આવ્યું છે.
In safe hands! 😌#BestOfTokyo | #UnitedByEmotion | #StrongerTogether | #OpeningCeremony pic.twitter.com/6ymiElvsJ4
— Olympic Khel ™ (@OlympicKhel) July 23, 2021
પીએમ મોદીએ પાઠવી શુભેચ્છાઓ
પીએમ મોદીએ પણ ઑપનિંગ સેરેમનીની એક ઝલક નિહાળી હતી અને ભારતનું પ્રતિનિધત્વ કરનારા દરેક ખેલાડીઓને શુભેચ્છાઓ પાઠવી હતી.
Come, let us all #Cheer4India!
Caught a few glimpses of the @Tokyo2020 Opening Ceremony.
Wishing our dynamic contingent the very best. #Tokyo2020 pic.twitter.com/iYqrrhTgk0
— Narendra Modi (@narendramodi) July 23, 2021
આ વખતે ઓલિમ્પિકમાં ભારતના 124 એથેલીટ ભાગ લઈ રહ્યાં છે. જેમાંથી 69 પુરૂષો અને 55 મહિલા એથેલીટ અને બાકીના સ્ટાફ મેમ્બર્સ હશે. ભારતીય એથેલીટ આ વખતે 85 મેડલ માટે પોતાની દાવેદારી રજૂ કરશે. ભારતની ઓપનિંગ સેરેમની માટે પુરુષ હોકી ટીમના કેપ્ટન મનપ્રીત સિંહ અને 6 વખતની બોક્સિંગ વર્લ્ડ ચેમ્પિયન એમસી મેરીકોમને ધ્વજવાહક બનાવવામાં આવ્યા છે.
ઓલિમ્પિકમાં ભાગ લેનારા દરેક એથેલીટનું સપનું હોય છે મેડલ જીતવાનું. જીત મેળવ્યા બાદ એથેલીટને પોડિયમમાં મેડલ પહેરવામાં આવે છે. આ પ્રસંગ તેમના જીવનની સૌથી યાદગાર ક્ષણ બની જાય છે, પરંતુ કોરોના મહામારીને કારણે ટોક્યો ઓલિમ્પિકમાં આવું નહીં થાય. આ વખતે વિજેતા એથેલીટ પોતે જ પોતાના ગળામાં મેડલ પહેરવાનો રહેશે.
