સનરાઇઝર્સ હૈદરાબાદ સૌથી વધુ વખત IPL ફાઇનલ રમનારી પાંચમી ટીમ
મુંબઈઃ સનરાઈઝર્સ હૈદરાબાદ (SRH) ઈન્ડિયન પ્રીમિયર લીગ (IPL)ના ઈતિહાસમાં સૌથી વધુ ફાઈનલ મેચ રમનારી પાંચમી ટીમ બની ગઈ છે. હૈદરાબાદે IPL 2024 ક્વોલિફાયર-2 માં રાજસ્થાન રોયલ્સ (RR) ને 36 રનથી હરાવીને આ સિદ્ધિ મેળવી હતી. હૈદરાબાદ સ્થિત ફ્રેન્ચાઇઝી ત્રીજી વખત ટૂર્નામેન્ટની ફાઇનલમાં પહોંચી છે. રોયલ ચેલેન્જર્સ બેંગ્લોર (RCB) પણ ત્રણ વખત ટુર્નામેન્ટની ફાઇનલમાં જગ્યા બનાવી છે. ચેન્નાઈ સુપર કિંગ્સ (CSK) એ રેકોર્ડ 10 વખત IPL 2024ની ફાઈનલ રમી છે. મુંબઈ ઈન્ડિયન્સ (MI) છ ફાઇનલમાં દેખાવ કર્યા બાદ બીજા સ્થાને છે. કોલકાતા નાઈટ રાઈડર્સ (KKR) T20 ટૂર્નામેન્ટની ચાર ફાઈનલ રમીને ત્રીજા સ્થાને છે.
ગઈતાલે રમાયેલ ઈન્ડિયન પ્રીમિયર લીગ (IPL) મેચની વાત કરીએ તો આ મેચમાં ટોસ હારીને પ્રથમ બેટિંગ કરતા સનરાઈઝર્સ હૈદરાબાદે નિર્ધારિત 20 ઓવરમાં 9 વિકેટના નુકસાન પર 175 રન બનાવ્યા હતા. ટીમ માટે સૌથી વધુ રન બનાવનાર વિકેટકીપર-બેટ્સમેન હેનરિક ક્લાસેન હતો, જેણે 34 બોલમાં 4 છગ્ગાની મદદથી 50 રન બનાવ્યા હતા. રાહુલ ત્રિપાઠી (37) અને ટ્રેવિસ હેડ (32)એ પણ પોતાની ટીમ માટે મહત્વપૂર્ણ રન બનાવ્યા હતા.
રાજસ્થાન રોયલ્સ માટે, બોલ્ટ અને અવેશે તેમની 4 ઓવરના સ્પેલમાં ત્રણ-ત્રણ વિકેટ લીધી, જ્યાં તેઓએ અનુક્રમે 45 અને 27 રન આપ્યા. સંદીપે પોતાની ચાર ઓવરમાં 25 રન આપીને બે વિકેટ ઝડપી હતી. જવાબમાં રાજસ્થાનની ટીમ 20 ઓવરમાં 7 વિકેટે 139 રન જ બનાવી શકી હતી. રાજસ્થાન માટે ધ્રુવ જુવેલે શાનદાર અડધી સદી સાથે 56 રન બનાવ્યા, તેના સિવાય યશસ્વી જયસ્વાલે 42 રન બનાવ્યા. હૈદરાબાદ તરફથી શાહબાઝ અહેમદે 3, અભિષેક શર્માએ 2 અને પેટ કમિન્સ અને ટી નટરાજને 1-1 વિકેટ લીધી હતી.
