1. Home
  2. ગુજરાતી
  3. ગુજરાત
  4. ગુજરાતમાં વરસાદને લીધે રોડ પર ખાડાંઓ પુરવા સરકાર રૂપિયા 100 કરોડનો ખર્ચ કરશે
ગુજરાતમાં વરસાદને લીધે રોડ પર ખાડાંઓ પુરવા સરકાર રૂપિયા 100 કરોડનો ખર્ચ કરશે

ગુજરાતમાં વરસાદને લીધે રોડ પર ખાડાંઓ પુરવા સરકાર રૂપિયા 100 કરોડનો ખર્ચ કરશે

0
Social Share

ગાંધીનગરઃ ગુજરાતમાં વરસાદને લીધે રોડ-રસ્તાઓ તૂટી જતા હોય છે તેમજ રોડ પર ઊંડા ખાડાંઓ પડતા હોય છે. ચોમાસુ પૂર્ણ થાય તે પહેલા જ એટલે કે મેઘરાજા વિદાય લે ત્યારબાદ રોડ-રસ્તાઓના મરામતના કામો હાથ ધરવામાં આવશે. રાજ્યના મુખ્યમંત્રીએ 157 નગરપાલિકાઓને રોડ પરના ખાડાંઓ પુરવા અને રસ્તાઓના રિસરફેસિંગના કામો માટે એડવાન્સ રૂપિયા 100 કરોડની ફાળવણી કરી છે.

સૌરાષ્ટ્ર અને દક્ષિણ ગુજરાતમાં સારો એવો વરસાદ પડયો છે.  આગામી દિવસોમાં ઉત્તર અને મધ્ય ગુજરાતમા પણ વરસાદ પડે તેવી શકયતા છે .આવા સંજોગોમાં વરસાદને કારણે રોડ તૂટી જતા હોવાથી શહેરી વિસ્તારના રસ્તાઓમાં ખાડા પડી જાય છે. આ ખાડાઓ પડ્યા પછી રસ્તાઓનું રીસરફેસિંગ દર વર્ષે કરવામાં આવે છે, પણ આ વખતે સમયસર કામગીરી થાય અને અગાઉથી જ નાના શહેરોમાં આયોજન થાય તેટલા માટે મુખ્યમંત્રી ભૂપેન્દ્ર પટેલે રાજયની 157 નગરપાલિકાઓમાં ખાડા અને રસ્તાઓને રિસરફેસિંગ કરવા માટે 100 કરોડની ફાળવણી કરી છે.

રાજ્યમાં વરસાદ પડે એટલે તરત જ રોડ પર ખાડાઓ, ભૂવા અને રસ્તાઓ તૂટી જવાની સમસ્યા શરૂ થઇ જાય છે. મોટા શહેરોમા ભૂવા અ્ને નાના શહેરોમાં ખાડાઓ અને રોડ તૂટી જતા હોવાથી ચોમાસા પછી રસ્તાઓ મરામત કરાવવા પડે છે. દરવર્ષે આવી સ્થિતિ થતી હોવાથી રાજ્ય સરકારે દિવાળીના તહેવારો સુધીમાં શહેરો અને મહાનગરોમાં રોડ-રસ્તાઓ સારા થઇ જાય તેટલા માટે જહેમત ઉઠાવી છે. જેના ભાગરૂપે મુખ્યમંત્રી શહેરી સડક યોજના હેઠળ 157 નગરપાલિકાઓ આવે છે તેવા શહેરોમાં રોડ-રસ્તાઓ રિપેર કરવા માટે રૂ. 100 કરોડ ફાળવવામાં આવ્યા છે. આ વખતે રોડ-રસ્તાઓ રિપેર કરવા માટે મુખ્યમંત્રી ભૂપેન્દ્ર પટેલે આગોતરા આયોજનના ભાગરૂપે એડવાન્સમાં જ રૂ. 100 કરોડ ફાળવી દીધા છે. સામાન્યરીતે ચોમાસામાં વરસાદ પડવાનો બંધ થઇ જાય પછી નગરપાલિકાઓ રસ્તાઓ રિપેર કરવા માટે તૈયારી શરૂ કરતી હોય છે. રાજયમાં મુખ્યમંત્રી શહેરી સડક યોજના હેઠળ વર્ષ 2023-24 સુધીમાં 810.95 કરોડ ફાળવવમાં આવ્યા હતા. જ્યારે આ યોજના હેઠળ વર્ષ 2024-25માં રૂ. 400 કરોડ ફાળવવામાં આવ્યા છે.

રાજ્ય સરકાર દ્વારા 157 નગરપાલિકાઓને ફાળવેલા રૂ. 100 કરોડ પૈકી ‘અ’ વર્ગની 22 નગરપાલિકાઓમાંથી દરેક નગરપાલિકાને રૂ. 1 કરોડ ફાળવાયા છે. જ્યારે ‘બ’ વર્ગની 30 નગરપાલિકાઓને નગરપાલિકા દીઠ રૂ. 80 લાખ અપાયા છે. ઉપરાંત’ક’ વર્ગની 60 નગરપાલિકાઓમાંથી પ્રત્યેકને રૂ. 60 લાખ અને ‘ડ’ વર્ગની 45 નગરપાલિકાઓને પાલિકા દીઠ રૂ. 40 લાખની સૂચિત ફાળવણી કરવામાં આવી છે.

LEAVE YOUR COMMENT

Your email address will not be published. Required fields are marked *

Join our WhatsApp Channel

And stay informed with the latest news and updates.

Join Now
revoi whats app qr code