ઉત્તરપ્રદેશ યોગી શાસનમાં સાંપ્રદાયિક હિંસા મુક્ત બન્યું: વર્ષ 2021માં માત્ર એક બનાવ નોંધાયો
નેશનલ ક્રાઈમ રેકોર્ડ બ્યુરો (NCRB)ના ડેટા અનુસાર, ઉત્તર પ્રદેશ હુલ્લડ મુક્ત રાજ્ય બની ગયું છે. આના પર સોશિયલ મીડિયા યુઝર્સે સીએમ યોગી આદિત્યનાથની જોરદાર પ્રશંસા કરી અને યોગીરાજરાજ્ય ટ્વિટર પર ટોપ ટ્રેન્ડમાં રહ્યું હતું. યુપીમાં હત્યા, અપહરણ અને મહિલાઓ વિરુદ્ધના ગુનાઓમાં પણ ઘટાડો થયો છે. અન્ય રાજ્યોની સરખામણીમાં સાંપ્રદાયિક હિંસાની ઘટનાઓ લગભગ બંધ થઈ ગઈ છે. એટલું જ નહીં માફિયાઓ અને ગેંગસ્ટરો સામે કાર્યવાહી કરવાની સાથે તેમની 129.4 કરોડની સંપત્તિ પણ જપ્ત કરી છે.
રાજ્યના અધિક મુખ્ય સચિવ ગૃહ અવનીશ અવસ્થી અને એડીજી કાયદો અને વ્યવસ્થા પ્રશાંત કુમારે જણાવ્યું હતું કે યુપીમાં વર્ષ 2021માં સાંપ્રદાયિક હિંસાની માત્ર એક જ ઘટના બની હતી, જ્યારે અન્ય રાજ્યોમાં સાંપ્રદાયિક હિંસાનો ગ્રાફ ઘણો ઊંચો હતો. ઝારખંડમાં સાંપ્રદાયિક હિંસાની 77, બિહારમાં 51, હરિયાણામાં 40 ઘટનાઓ નોંધાઈ હતી. દેશમાં કોમી હિંસાથી મહારાષ્ટ્ર સૌથી વધુ પ્રભાવિત થયું હતું. જેમાં 378 કેસ નોંધાયા હતા.
વર્ષ 2021માં દેશમાં IPCના કુલ 36.63 લાખ કેસ નોંધાયા હતા. યુપીમાં આઈપીસીના 3.57 લાખ કેસ નોંધાયા હતા, જે એક લાખની વસ્તીના 154.5 ટકા છે અને યુપી દેશમાં 23મા ક્રમે છે. રાજ્યમાં એસિડ હુમલાના કુલ 22 અને અપહરણના 50 બનાવો બન્યા છે. આ બંને ગુનાઓમાં રાજ્ય 36મા ક્રમે છે.
એડીજી કાયદો અને વ્યવસ્થા પ્રશાંત કુમારે જણાવ્યું હતું કે કાયદો અને વ્યવસ્થાના મુદ્દે કડક કાર્યવાહી કરવામાં આવી રહી છે તેના પરિણામે રાજ્યમાં હત્યાના કેસોમાં સતત ઘટાડો થઈ રહ્યો છે. રાજ્યમાં હત્યાના કુલ 3717 ગુનાઓ આચરવામાં આવ્યા હતા, જેમાં ગુનાનો દર 1.6 હતો અને રાજ્ય 24મા ક્રમે છે. પોલીસ પેટ્રોલીંગમાં વધારો અને પીઆરવી પ્રવૃત્તિમાં વધારો થવાને કારણે ચોરીની ઘટનાઓ ઘણી ઓછી થઈ છે અને રાજ્ય 33મા ક્રમે છે. રાજ્ય પોલીસે વિવિધ કેસોમાં માફિયાઓ અને ગેંગસ્ટરો સામે કાર્યવાહી કરતી વખતે 129.4 કરોડની સંપત્તિ પણ જપ્ત કરી છે.
