હનોઈ, 16 સપ્ટેમ્બર 2026: વિયેતનામની રાજધાની હનોઈમાં વહેલી સવારે એક મકાનમાં આગ લાગી હતી. આ ઘટના રહેણાંક વિસ્તારમાં આવેલા ચાર માળના મકાનમાં બની હતી. આગમાં દાઝી જવાથી પાંચ લોકોનાં મોત થયાં હતાં.
હનોઈ પોલીસે તેમના સત્તાવાર ફેસબુક એકાઉન્ટ પર જણાવ્યું હતું કે આગને સવારે લગભગ 2:30 વાગ્યે કાબૂમાં લેવામાં આવી હતી અને 15 મિનિટ બાદ તેને સંપૂર્ણપણે ઓલવી નાખવામાં આવી હતી.
હનોઈમાં ચાર માળની ઈમારતમાં આગ લાગી
હનોઈના હૃદયસ્થાનમાં વાન કાઓ સ્ટ્રીટ નજીક એક સાંકડી ગલીમાં આવેલું આ ઘર ચાર માળનું હતું અને દરેક માળનું ક્ષેત્રફળ આશરે 60 ચોરસ મીટર હતું.
સ્થાનિક રહેવાસીઓએ રાત્રે લગભગ 1:50 વાગ્યે આગ જોઈ અને જાણ કરી. તેમણે ઉપલબ્ધ સાધનોની મદદથી આગ ઓલવવાનો પ્રયાસ કર્યો, પરંતુ તેઓ તેને કાબૂમાં લાવવામાં સફળ થયા નહીં.
સવારે 2:06 વાગ્યે હનોઈ પોલીસ કમાન્ડ ઇન્ફોર્મેશન સેન્ટરને આગ વિશે જાણ કરવામાં આવી હતી, ત્યારબાદ ઘટનાસ્થળે એક કમાન્ડ વાહન, પાંચ ફાયર એન્જિન અને લગભગ 40 અધિકારીઓ તથા અગ્નિશામકોને રવાના કરવામાં આવ્યા હતા.
પોલીસે જણાવ્યું હતું કે અગ્નિશામકો આવે તે પહેલાં ચાર લોકો બહાર નીકળવામાં સફળ રહ્યા હતા, જ્યારે ઘરમાંથી બહાર ન નીકળી શકનારા અન્ય પાંચ લોકોએ આ ઘટનામાં જીવ ગુમાવ્યો હતો. પોલીસ આગ લાગવાનું કારણ તપાસી રહી છે.
વધુ વાંચો: ભારત-બાંગ્લાદેશ વચ્ચે રાજનૈતિક તણાવ: નવા હાઈકમિશનરની નિમણૂકને ભારતે હજુ નથી આપી મંજૂરી
