- દુનિયાભરમાં ટ્વિટર સેવાઓ ખોરવાઈ
- ટ્વિટર સેવાઓ ખોરવાતા યુઝર્સ પરેશાન
- કલાકોની જાહેમત બાદ સેવાઓ થઇ પુનઃસ્થાપિત
માઈક્રો બ્લોગિંગ સાઈટ ટ્વિટરની સેવાઓ મંગળવારે ખોરવાઈ ગઈ હતી.જાણકારી અનુસાર આ દરમિયાન દુનિયાભરના યુઝર્સને મુશ્કેલીનો સામનો કરવો પડ્યો હતો.જોકે, કલાકોની જહેમત બાદ સેવાઓ પુનઃસ્થાપિત કરવામાં આવી હતી.
Twitter ની સેવાઓના વિક્ષેપ દરમિયાન યુઝર્સને વેબસાઇટ અથવા મોબાઇલ એપ્લિકેશન પર Twitter ઍક્સેસ કરવામાં મુશ્કેલીનો સામનો કરવો પડ્યો.જો કે, આ સંદર્ભમાં ટ્વિટર તરફથી કહેવામાં આવ્યું હતું કે,તમારામાંથી કેટલાકને પરેશાની થઇ રહી છે.કારણ કે ટ્વિટર લોડ થઈ રહ્યું નથી.પરંતુ આ સમસ્યાનો વહેલી તકે ઉકેલ લાવવાના પ્રયાસો કરવામાં આવી રહ્યા છે.
ટ્વિટરે આઉટેજની પુષ્ટિ કરતા કહ્યું કે,અમે તમને તમારી સમયરેખા પર ટૂંક સમયમાં પાછા લાવવા માટે કામ કરી રહ્યા છીએ.
તાજેતરમાં યુએસ અને યુરોપના ભાગોમાં ટ્વિટરની સેવાઓને અસર થઈ હતી. આ સાથે, ભારતના ઘણા શહેરોમાં ટ્વિટર સાઇટ પણ ખોરવાઈ ગઈ હતી.તેથી, દિલ્હી, મુંબઈ સહિત દેશના ઘણા મોટા શહેરોના યુઝર્સએ આ સમસ્યા અંગે ફરિયાદ કરી હતી.
એજન્સીના જણાવ્યા અનુસાર, ટ્વિટરની સેવાઓ મોડી રાત્રે પુનઃસ્થાપિત કરવામાં આવી હતી. લગભગ 2.30 વાગ્યે ટ્વિટર પરથી કહેવામાં આવ્યું છે કે સમસ્યાનું સમાધાન થઈ ગયું છે.
વાસ્તવમાં, વપરાશકર્તાઓ ટ્વિટરને ઍક્સેસ કરવાનો પ્રયાસ કરી રહ્યા હતા. પરંતુ સેવાઓમાં વિક્ષેપ પડતાં પોપઅપ નોટિસ દેખાતી હતી. કેટલાક યુઝર્સે આઉટેજની ફરિયાદ નોંધાવી હતી.
