પ્રદુષણો ફેલાવતા ઉદ્યોગો સામે સુપ્રીમ કોર્ટે વ્યક્ત કરી નારાજગી
- લોકોને સ્વચ્છ હવા અને સ્વચ્છ પાણી પીવાનો અધિકારઃ સુપ્રીમ કોર્ટ
- એકમને બંધ કરવાના આદેશ સામે સુપ્રીમ કોર્ટમાં થઈ હતી અપીલ
- સર્વોચ્ચ અદાલતે અપીલ ફગાવી
નવી દિલ્હીઃ સર્વોચ્ચ અદાલતે ટકાઉ વિકાસના સિદ્ધાંતને યથાવત રાખતા અને પ્રદૂષિત ઉદ્યોગો પર નારાજગી વ્યક્ત કરતા કહ્યું કે, લોકોને સ્વચ્છ હવા શ્વાસ લેવાનો, સ્વચ્છ પાણી પીવાનો અને રોગમુક્ત જીવન જીવવાનો અધિકાર છે. તમિલનાડુના થૂથુકુડીમાં એક એકમને બંધ કરવાના તર્કસંગત આદેશમાં, CJI જસ્ટિસ ડીવાય ચંદ્રચુડની ખંડપીઠે જણાવ્યું હતું કે, ઉદ્યોગને બંધ કરવું એ પ્રથમ પસંદગીની બાબત નથી પરંતુ એકમ દ્વારા વારંવાર ગંભીર ઉલ્લંઘનની પ્રકૃતિનું પરિણામ છે.
બેન્ચે જણાવ્યું હતું કે પર્યાવરણીય ધોરણોનું ઉલ્લંઘન ન તો વૈધાનિક સત્તાવાળાઓ કે ન તો મદ્રાસ હાઈકોર્ટને અન્ય કોઈ અભિગમ અપનાવવાનો વિકલ્પ છોડે છે. બેન્ચે 29 ફેબ્રુઆરીના રોજ પ્રદૂષણની ચિંતાઓને કારણે મે 2018થી બંધ કરાયેલા પ્લાન્ટને બંધ કરવાના હાઈકોર્ટના આદેશ સામેની અપીલને ફગાવી દીધી હતી. સર્વોચ્ચ અદાલતે કહ્યું કે તે એક નિર્વિવાદ અને મૂળભૂત સત્ય છે કે દરેક વ્યક્તિને સ્વચ્છ હવામાં શ્વાસ લેવાનો, સ્વચ્છ પાણી પીવાનો અને રોગ અને બીમારીથી મુક્ત જીવન જીવવાનો અધિકાર છે.
