અમદાવાદ, 11 સપ્ટેમ્બર, 2026 – ઇન્ડિયન સ્પેસ રિસર્ચ ઓર્ગેનાઇઝેશન (ISRO) માં ઉચ્ચ સ્તરના નેતૃત્વમાં તાજેતરમાં મોટો ફેરફાર થયો છે. અહેવાલ અનુસાર વરિષ્ઠ વિજ્ઞાની દિનેશ કુમાર સિંહ (ડી. કે. સિંહ)ની બેંગલુરુસ્થિત ‘યુ. આર. રાવ સેટેલાઇટ સેન્ટર’ (URSC)ના નવા ડિરેક્ટર તરીકે નિમણૂક કરવામાં આવી છે.
અમદાવાદનો વૈજ્ઞાનિક અને ટેકનોલોજીકલ સમુદાય ડી. કે. સિંહની આવી મહત્ત્વની નિમણૂકથી અત્યંત ગર્વ અનુભવી રહ્યો છે. તેનું કારણ એ છે કે શ્રી ડી.કે. સિંહે તેમની કારકિર્દીના 35થી વધુ વર્ષ ગુજરાતમાં વિતાવ્યા છે. તેમણે અમદાવાદ સ્થિત ‘સ્પેસ એપ્લિકેશન્સ સેન્ટર’ (SAC)ના એસોસિએટ ડિરેક્ટર તરીકે સેવા આપી હતી અને રેડિયો ફ્રીક્વન્સી સિસ્ટમ્સ ગ્રુપના ગ્રુપ ડિરેક્ટર તરીકે નેતૃત્વ કર્યું હતું. SAC અમદાવાદ ખાતે તેમના નેતૃત્વ હેઠળ ભારતના સંરક્ષણ અને નાગરિક ઉપગ્રહ પ્રણાલીઓ માટે અનેક અદ્યતન પેલોડ કન્ફિગરેશન અને આધુનિક સંચાર ટેકનોલોજીનું સફળતાપૂર્વક એન્જિનિયરિંગ કરવામાં આવ્યું હતું.
URSCમાં આ નિમણૂક સાથે શ્રી ડી. કે. સિંહે ઇસરોના ત્રણ અગ્રણી ટેકનિકલ સેન્ટર્સ સ્પેસ એપ્લિકેશન્સ સેન્ટર (SAC) અમદાવાદ, હ્યુમન સ્પેસ ફ્લાઇટ સેન્ટર (HSFC), અને હવે યુ. આર. રાવ સેટેલાઇટ સેન્ટર (URSC)—માં ટોચના નેતૃત્વના હોદ્દા સંભાળવાનું દુર્લભ ગૌરવ પ્રાપ્ત કર્યું છે.
નેતૃત્વમાં પરિવર્તન
અગાઉ બેંગલુરુસ્થિત ‘હ્યુમન સ્પેસ ફ્લાઇટ સેન્ટર’ (HSFC)ના ડિરેક્ટર તરીકે કાર્યરત દિનેશ કુમાર સિંહે ગત 31 ઓગસ્ટ 2026ના રોજ નિવૃત્ત થયેલા એમ. શંકરન પાસેથી URSCનું સુકાન સંભાળ્યું હતું. આ સાથે જ VSSC ના ડિરેક્ટર (પ્રોજેક્ટ્સ) અને ગગનયાન મિશનના પ્રોગ્રામ ડિરેક્ટર શ્રી બિજુ એસ. આર. ડી. કે. સિંહના સ્થાને HSFC ના નવા ડિરેક્ટર બન્યા છે.
વૈજ્ઞાનિક અને ટેકનિકલ વારસો
HBTI કાનપુરથી B.Tech અને IIT-BHU વારાણસીથી માઇક્રોવેવ એન્જિનિયરિંગમાં M.Tech કરનાર ડી. કે. સિંહ જુલાઈ 1989માં ઇસરોમાં જોડાણા હતા. 35થી વધુ વર્ષની કારકિર્દીમાં તેમની ટેકનિકલ ક્ષમતાએ તેમને એક પેલોડ એન્જિનિયરમાંથી ટોચના વહીવટકર્તા બનાવ્યા. અમદાવાદનું SAC તેમની કારકિર્દી માટે મહત્વપૂર્ણ સાબિત થયું, જ્યાં તેમણે હાઇ-થ્રુપુટ કોમ્યુનિકેશન સેટેલાઇટ પેલોડ્સ અને સ્પેસ-બેઝ્ડ અદ્યતન લેઝર કોમ્યુનિકેશન સિસ્ટમ્સ તૈયાર કરી. તેમના અનુભવમાં એન્ટ્રિક્સ કોર્પોરેશનનું પ્રતિનિધિત્વ કરતા યુનાઇટેડ સ્ટેટ્સમાં બોઇંગ સેટેલાઇટ સિસ્ટમ્સ સુવિધા ખાતે ઓનસાઇટ ટેકનિકલ કન્સલ્ટન્ટ તરીકેના વિશિષ્ટ કાર્યકાળનો પણ સમાવેશ થાય છે. સ્પેસક્રાફ્ટ ટેકનોલોજીમાં તેમના ઉત્કૃષ્ટ યોગદાનની પ્રશંસા રૂપે તેમને પ્રતિષ્ઠિત ‘ઇસરો મેરિટ એવોર્ડ’ અને ‘એસ્ટ્રોનોટિકલ સોસાયટી ઓફ ઇન્ડિયા’ (ASI) એવોર્ડથી નવાજવામાં આવ્યા હતા.
ભારતીય અંતરિક્ષ ઇન્ફ્રાસ્ટ્રક્ચરના ભવિષ્યને વેગ આપશે
તેમણે ભારતના સંપૂર્ણ સેટેલાઇટ નેટવર્કની ડિઝાઇનીંગ, વિકાસ અને અમલીકરણ માટે જવાબદાર મુખ્ય કેન્દ્ર URSCનો પદભાળ સંભાળ્યો છે ત્યારે અમદાવાદના દિવસો દરમિયાન ઉદ્યોગો સાથે તેમના મજબૂત સહયોગનો લાભ આ કેન્દ્રને મળશે તેવી અપેક્ષા છે. URSC હાલમાં આગામી ફાઇવ-મોડ્યુલ ભારતીય અંતરિક્ષ સ્ટેશન (ભારતનું આગામી સ્પેસ સ્ટેશન) અને ડીપ-સ્પેસ સાયન્ટિફિક ટ્રેકર્સ માટે સબ-સિસ્ટમ્સ બનાવી રહ્યું છે. સિંહના ઊંડા શૈક્ષણિક અને ટેકનિકલ જ્ઞાનથી ખાનગી એરોસ્પેસ સ્ટાર્ટઅપ્સ અને વિદ્યાર્થીઓ દ્વારા થતા નવાં સંશોધનો, જેમ કે ઇસરો રોબોટિક્સ ચેલેન્જ અને વિવિધ એન્જિનિયરિંગ ઇન્ટર્નશિપ ડ્રાઇવ્સને મોટો વેગ મળવાની ધારણા છે.
 માં ઉચ્ચ સ્તરના નેતૃત્વમાં તાજેતરમાં મોટો ફેરફાર થયો છે. અહેવાલ અનુસાર વરિષ્ઠ વિજ્ઞાની દિનેશ કુમાર){kind=link}