ગાંધીનગર, 23 ઑક્ટોબર, 2026 – Gujarat’s Deepotsav issue ગુજરાતના આ વર્ષના દીપોત્સવી અંકમાં એક કવિતાના મુદ્દે ભારે વિવાદ સર્જાયો છે. ગુજરાત સરકારના માહિતી ખાતા દ્વારા પ્રકાશિત થતા આ દીપોત્સવી અંકમાં આ વર્ષે એક કવિતા પ્રકાશિત થઈ છે જેમાં ભગવાન શ્રીરામ તથા શ્રીકૃષ્ણ ભક્ત મીરાંબાઈનું અપમાન કરવામાં આવ્યું હોવાનું વિશ્વ હિન્દુ પરિષદે જણાવ્યું છે.
@CMOGuj દીપોત્સવી અંકમાંથી આ કન્ટેન્ટ દૂર કરવાની સાથે સાથે લેખકના અન્ય કાર્યો તથા રચનાઓની તપાસ કરી જરૂર જણાય તો કાયદેસરના પગલાં લેવા વિનંતી છે. https://t.co/AaLotSQ1U6
— VHP Gujarat (@VHPGUJOFFICIAL) October 23, 2026
વિશ્વ હિન્દુ પરિષદ દ્વારા આ અંગે મુખ્યમંત્રી ભૂપેન્દ્રભાઈ પટેલને એક પત્ર લખીને માગણી કરવામાં આવી છે કે, ગુજરાત દીપોત્સવી અંકમાંથી હિન્દુ આસ્થાની મજાક ઉડાવતી રચના દૂર કરવી જોઈએ. વિહિંપે આ સાથે એવી પણ માગણી કરી છે કે, આવી રચના લખનાર લેખક તેમજ તેના પ્રકાશનને મંજૂરી આપનાર જવાબદાર અધિકારીઓ સામે પણ પગલાં લેવાવાં જોઈએ.
નોંધપાત્ર છે કે, આ વખતના ગુજરાત સામયિકના દીપોત્સવી અંકમાં અઝીઝ ટંકારવીની એક રચના પ્રકાશિત કરવામાં છે જેમાં પ્રારંભિક પંક્તિમાં એવું કહેવાનો ભાવાર્થ છે કે, રામ (વનવાસમાંથી) જલ્દી પરત ન આવે એ હેતુથી તેમના ભાઈ ભરતે ગાદી ઉપર પાદુકા મૂકી દીધી હતી.
આ જ કાવ્યમાં છેલ્લે આ મુસ્લિમ કવિએ મીરાં વિશે પણ અપમાનજનક પંક્તિ લખી હોવાનું વિહિંપે જણાવ્યું છે.
આ અંગે પત્રકાર, લેખક જયવંત પંડ્યાએ પણ તેમના સોશિયલ મીડિયા હેન્ડલ X ઉપર એક પોસ્ટ કરી છે. તેમણે કહ્યું કે, છેલ્લા ત્રણ દાયકા કરતા વધુ સમયથી ગુજરાતમાં હિન્દુવાદી સરકાર હોવા છતાં આવી સ્થિતિ છે.
राम ना आवे हवे जल्दी परत
एटले मूके छे पादुका भारत। (राम शीघ्र पुनरागमन न कर सके इस लिए भरत ने पादुका रखी है)
मीरां बाई का मदरसा…
कवि – अज़ीज़ टंकारवी
सरकार के ‘गुजरात’ दीपोत्सवी अंक में। ३० वर्ष के हिंदूवादी शासन के बाद भी ये स्थिति है।
@Bhupendrapbjp @PrashantValaBJP https://t.co/6xB6BVRbut— jaywantpandya (@jaywantpandya) October 23, 2026
