RBI દ્રારા મોટી રાહત – સતત ત્રીજી વખત રેપો રેટ યથાવત ,6.50 ટકા સ્થિર

દિલ્હીઃ- ભારતીય રિઝર્વ બેંક દ્રારા મોટી રહાતના ,માચાર સામે આવ્યા છે. પ્રાપ્ત વિગત પ્રમાણે સતત ત્રીજી વખત આરબીઆઈ દ્રારા રેપો રેટમાં કોઈ પણ પ્રકારનો બદલાવ કરવામાં ન આવતા 6.50 પર રેપો રેટ યથાવત રાખવામાં આવ્યો છે.

આરબીઆઈના ગવર્નર શક્તિકાંત દાસે કહ્યું કે જુલાઈથી ઓગસ્ટ વચ્ચે શાકભાજીના ભાવમાં વધારાને કારણે મોંઘવારી દરમાં વધારો થવાની સંભાવના છે. જો કે, MPC ફુગાવાના દરને 4 ટકા પર સીમા કરવા માટે કટિબદ્ધ છે. આરબીઆઈનું માનવું છે કે ચાલુ નાણાકીય વર્ષમાં રિટેલ મોંઘવારી દર 5.4 ટકા રહી શકે છે. RBIનો અંદાજ છે કે રિટેલ ફુગાવાનો દર બીજા ક્વાર્ટરમાં 6.2 ટકા, ત્રીજા ક્વાર્ટરમાં 5.7 ટકા અને ચોથા ક્વાર્ટરમાં 5.2 ટકા રહી શકે છે.

ઉલ્લેખનીય છે કે  આ પહેલા પણ જૂનમાં મળેલી બેઠકમાં સતત બીજી વખત કેન્દ્રીય બેંકે રેપો રેટને 6.50 ટકા પર યથાવત રાખવાનો નિર્ણય કર્યો હતો. સ્ટેન્ડિંગ ડિપોઝિટ રેટ 6.25 ટકા અને માર્જિનલ સ્ટેન્ડિંગ ફેસિલિટી રેટ 6.75 ટકા પર યથાવત છે. સેન્ટ્રલ બેંકે મે 2022 થી ફેબ્રુઆરી 2023 વચ્ચે રેપો રેટમાં 2.50 ટકાનો વધારો કર્યો હતો.આ સહીત આરબીઆઈનો અંદાજ છે કે વર્તમાન નાણાકીય વર્ષમાં ભારતનો જીડીપી વૃદ્ધિ દર 6.5 ટકા રહી શકે છે. સેન્ટ્રલ બેંકે પ્રથમ ક્વાર્ટરમાં જીડીપી ગ્રોથ 8 ટકા, બીજા ક્વાર્ટરમાં 6.5 ટકા, ત્રીજા ક્વાર્ટરમાં 6 ટકા અને ચોથા ક્વાર્ટરમાં 5.7 ટકા રહેવાની શક્યતા વ્યક્ત કરી છે.