- વિદેશમંત્રી અમેરિકામાં સંયુક્ત રાષ્ટ્રના મહાસચિવને મળ્યા
- વેક્સિન અને કોરોના વિશે કરી વાતચીત
- મહાસચિવના પ્રયાસોની કરી પ્રશંસા
દિલ્હી: વિદેશ મંત્રી એસ જયશંકરે મંગળવારે સંયુક્ત રાષ્ટ્રના મહાસચિવ એન્ટોનિયો ગુટેરેસ સાથે મુલાકાત કરી હતી અને આ દરમિયાન કોવિડ -19 મહામારીને લઈને આવતા પડકારો અંગે વિસ્તૃત ચર્ચા કરી હતી. બેઠક દરમિયાન વિદેશમંત્રી જયશંકરે તાત્કાલિક અને અસરકારક વૈશ્વિક રસી સમાધાન શોધવાની મોટી જરૂરિયાત પર ભાર મૂક્યો. આ વર્ષે જાન્યુઆરીમાં ભારત યુએન સિક્યુરિટી કાઉન્સિલમાં બિન કાયમી સભ્ય તરીકે જોડાયા પછી યુએન ચીફ સાથે જયશંકરની આ પહેલી પ્રત્યક્ષ મુલાકાત હતી.
બેઠક દરમિયાન વિદેશ મંત્રીએ ભારતના પડોશી વિસ્તાર સાથે સંકળાયેલ પ્રાદેશિક પડકારો અંગે પણ ચર્ચા કરી અને કહ્યું કે, આતંકવાદ અને કટ્ટરવાદ સામે લડવું સમગ્ર ક્ષેત્ર માટે અગ્રતા રહી છે. લગભગ એક કલાક ચાલેલી બેઠક બાદ વિદેશમંત્રી જયશંકરે ટ્વિટ કરીને કહ્યું કે, યુએન સેક્રેટરી-જનરલ એન્ટોનિયો ગુટેરેસ સાથેની બેઠકમાં વ્યાપક ચર્ચા થઈ. કોવિડના પડકારોની ચર્ચા કરે છે તેમજ વૈશ્વિક સ્તરે તાત્કાલિક અને અસરકારક વૈશ્વિક રસી ઉકેલો શોધવાની તાકીદની જરૂરિયાતને પણ દર્શાવે છે.
A warm & comprehensive meeting with UN Secretary General @antonioguterres.
Discussed the Covid challenge,underlining the importance of finding urgent&effective global vaccine solutions.Critical to ramp up the vaccine supply chain to ensure greater production&fairer distribution pic.twitter.com/fDAwTyNCRt
— Dr. S. Jaishankar (@DrSJaishankar) May 25, 2021
જયશંકરે સંયુક્ત રાષ્ટ્રના મહાસચિવ એન્ટોનિયો ગુટેરેસ સાથે એવા સમયે મુલાકાત કરી છે જ્યારે ભારત કોવિડ -19 મહામારીની બીજી લહેરનો સામનો કરી રહ્યું છે અને રસીની માંગ અને પુરવઠા વચ્ચે મોટા અંતરનો સામનો કરી રહ્યો છે. ભારતના સ્થાયી મિશન દ્વારા સંયુક્ત રાષ્ટ્રને અપાયેલા એક નિવેદનમાં, સંયુક્ત રાષ્ટ્રના મહાસચિવએ કોવિડ -19 મહામારીના વર્તમાન લહેર સાથે સંકળાયેલા પ્રયાસોમાં સરકાર અને ભારતના લોકો સાથે એકતા દર્શાવી છે. વિદેશ મંત્રી જયશંકરે સૌને રસી ઉપલબ્ધ કરાવવા માટે મહાસચિવના પ્રયાસોની પ્રશંસા કરી.
