નવી દિલ્હી, 11 સપ્ટેમ્બર 2026: બ્રિક્સ (BRICS) સમિટ અગાઉ, વિદેશ મંત્રી એસ. જયશંકરે આજે નવી દિલ્હીમાં બ્રાઝિલના વિદેશ મંત્રી મૌરો વિએરાનું સ્વાગત કર્યું. સોશિયલ મીડિયા પોસ્ટમાં ડૉ. જયશંકરે જણાવ્યું હતું કે બંને નેતાઓએ દ્વિપક્ષીય સંબંધો અંગે ચર્ચા કરી હતી. વેપાર અને રોકાણ, સંરક્ષણ, ઊર્જા, કૃષિ અને અવકાશ જેવા ક્ષેત્રોમાં સહયોગ વધારવાના ઉપાયો અંગે વિચાર-વિમર્શ કરવામાં આવ્યો હતો.
ડૉ. જયશંકરે જણાવ્યું હતું કે સંયુક્ત રાષ્ટ્ર, G20 અને આંતરરાષ્ટ્રીય દરિયાઈ સંગઠન (International Maritime Organization) દ્વારા બહુપક્ષીય સહયોગ અંગે પણ ચર્ચા કરવામાં આવી હતી. બંને મંત્રીઓએ વર્તમાન ભૌગોલિક-રાજકીય પરિસ્થિતિ અંગે પોતાના વિચારો રજૂ કર્યા હતા.
ડૉ. જયશંકરે જણાવ્યું હતું કે સભ્ય દેશો વચ્ચે સંવાદ અને મુત્સદ્દીગીરીને આગળ વધારવા માટે બ્રિક્સ (BRICS) શિખર સંમેલન મહત્વપૂર્ણ છે.
ડૉ. જયશંકરે ઉરુગ્વેના વિદેશ મંત્રી મારિયો લુબેટકિન સાથે પણ મુલાકાત કરી હતી. તેમણે જણાવ્યું હતું કે બંને નેતાઓ વચ્ચે વેપાર, કનેક્ટિવિટી અને સંસ્કૃતિ જેવા ક્ષેત્રોમાં દ્વિપક્ષીય સંબંધોને આગળ વધારવા અંગે ફળદાયી ચર્ચા થઈ હતી. ડૉ. જયશંકરે CELAC અને MERCOSUR સાથેની ભાગીદારી મજબૂત કરવામાં ઉરુગ્વેના સમર્થનની પ્રશંસા કરી હતી. તેમણે ‘ઇન્ટરનેશનલ સોલર એલાયન્સ’માં જોડાવા માટે ઉરુગ્વેનું અનુસમર્થન દસ્તાવેજ (instrument of ratification) પણ સ્વીકાર્યું હતું.
 સમિટ અગાઉ, વિદેશ મંત્રી એસ. જયશંકરે આજે નવી દિલ્હીમાં બ્રાઝિલના વિદેશ મંત્રી મૌરો વિએરાનું સ્વાગત કર્યું. સોશિયલ મીડિયા){kind=link}