વર્લ્ડ કપમાં ભારતના સૌથી સફળ બોલરનું નામ જાણો, ટોપ પર આ ખેલાડી

નવી દિલ્હી, 18 સપ્ટેમ્બર 2026: 2027ના વન-ડે વર્લ્ડ કપની તૈયારીઓ પહેલેથી જ શરૂ થઈ ગઈ છે. ભારતથી લઈને ઓસ્ટ્રેલિયા અને પાકિસ્તાન સુધીની ટીમો તેમના શ્રેષ્ઠ ‘પ્લેઈંગ ઈલેવન’ના કોમ્બિનેશન તૈયાર કરવામાં વ્યસ્ત છે. આ ટુર્નામેન્ટ આવતા વર્ષે 4 ઓક્ટોબરથી 21 નવેમ્બર દરમિયાન યોજાનાર છે, જેમાં વિશ્વભરની કુલ 14 ટીમો ભાગ લેશે. હંમેશની જેમ, આ વર્લ્ડ કપમાં પણ અનેક રેકોર્ડ તૂટતા જોવા મળી શકે છે.

વન-ડે વર્લ્ડ કપમાં સૌથી વધુ વિકેટ લેનારા બોલરોની વાત કરીએ તો, આ રેકોર્ડ ઓસ્ટ્રેલિયાના ગ્લેન મેકગ્રાના નામે છે, જેમણે 41 વિકેટ ઝડપી હતી. જોકે, આ ટુર્નામેન્ટમાં સૌથી વધુ વિકેટ લેનારા ભારતીય બોલરની વાત કરીએ તો, તેમનું નામ તમને ચોંકાવી શકે છે. જસપ્રીત બુમરાહ આ યાદીમાં ચોથા સ્થાને છે.

વર્લ્ડ કપમાં ભારત માટે સૌથી વધુ વિકેટ

વન-ડે વર્લ્ડ કપના ઈતિહાસમાં ભારત માટે સૌથી વધુ વિકેટ લેવાનો રેકોર્ડ મોહમ્મદ શમીના નામે છે. તેણે અત્યાર સુધીમાં 18 મેચમાં 55 વિકેટ ઝડપી છે, જે તેને ભારતીય ખેલાડીઓમાં સૌથી વધુ વિકેટ લેનાર બોલર બનાવે છે. શમી 2023ના વન-ડે વર્લ્ડ કપમાં સૌથી વધુ વિકેટ લેનાર બોલર હતો, જેમાં તેણે 7 મેચમાં 24 વિકેટ લીધી હતી. આ ઉપરાંત, તેણે 2019ના વર્લ્ડ કપમાં 4 મેચમાં 14 વિકેટ અને 2015ની ટુર્નામેન્ટમાં 7 મેચમાં 17 વિકેટ ઝડપી હતી. અત્યાર સુધીમાં ત્રણ વર્લ્ડ કપ રમી ચૂકેલો શમી ખરેખર ટીમ ઈન્ડિયાનો મુખ્ય બોલર રહ્યો છે.

બુમરાહ ચોથા ક્રમે

ભારતના સૌથી સફળ વર્લ્ડ કપ બોલરોમાં ઝહીર ખાન બીજા ક્રમે છે; તેણે 23 મેચમાં 44 વિકેટ ઝડપી હતી, જ્યારે જવગલ શ્રીનાથે 34 મેચમાં 44 વિકેટ લીધી હતી. શમી એકમાત્ર એવો ભારતીય બોલર છે જેણે વન-ડે વર્લ્ડ કપમાં 50 કે તેથી વધુ વિકેટ લીધી છે.

જોકે, જસપ્રીત બુમરાહ જે હાલમાં 38 વિકેટ સાથે ચોથા સ્થાને છે તે ધીમે ધીમે આ યાદીમાં ઉપર આવી શકે છે. તેણે 20 મેચોમાં આટલી વિકેટો ઝડપી છે. તેની પાછળ અનિલ કુંબલે (31 વિકેટ), કપિલ દેવ (28 વિકેટ) અને રવિન્દ્ર જાડેજા (27 વિકેટ) છે.

55 વિકેટ – મોહમ્મદ શમી

44 વિકેટ – ઝહીર ખાન

44 વિકેટ – જવાગલ શ્રીનાથ

38 વિકેટ – જસપ્રીત બુમરાહ

31 વિકેટ – અનિલ કુંબલે

28 વિકેટ – કપિલ દેવ

27 વિકેટ – રવિન્દ્ર જાડેજા

તે દુર્ભાગ્યપૂર્ણ છે કે મોહમ્મદ શમી 2027ના વન-ડે વર્લ્ડ કપમાં રમે તેવી શક્યતા ઓછી જણાય છે. 27 સપ્ટેમ્બરથી શરૂ થનારી વેસ્ટ ઈન્ડિઝ સામેની વન-ડે શ્રેણી માટેની ભારતીય ટીમમાં તેમનો સમાવેશ કરવામાં આવ્યો નથી. જોકે, રવિન્દ્ર જાડેજાએ વાપસી કરી છે.