INTERNATIONALગુજરાતી

અભિનંદનને બંધક બનાવ્યા બાદ ભારત હુમલો કરશે તેના ડરે જ પાક. સેના પ્રમુખને પરસેવો વળી ગયો

  • પાકિસ્તાનના એક સાંસદે કર્યો ચોંકાવનારો દાવો
  • અભિનંદનને બંધક બનાવ્યાની ઘટનાનો કર્યો ઉલ્લેખ
  • કહ્યું, ભારત હુમલો કરવાનું છે તેવું સાંભળીને પાક.સેના પ્રમુખને વળ્યો હતો પરસેવો

ઇસ્લામાબાદ: ભારતની સૈન્ય તાકાત અને સામર્થ્યથી પાકિસ્તાન કેટલું થરથર કાંપે છે અને ડરે છે તે વાતની સાબિતી સામે આવી છે. હકીકતમાં ફેબ્રુઆરી 2019માં જ્યારે પાકિસ્તાને ભારતીય વાયુસેનાના પાયલટ વિંગ કમાંડર અભિનંદન વર્ધમાનને બંધક બનાવ્યો હતો, ત્યારે પાકિસ્તાનમાં એક ઉચ્ચ સ્તરીય બેઠકમાં તત્કાલિન વિદેશ મંત્રી શાહ મહેમૂદ કુરેશીએ જણાવ્યું હતું કે જો અભિનંદનને મુક્ત કરવામાં નહીં આવે તો ભારત પાકિસ્તાન પર હુમલો કરી શકે છે. આ શબ્દો સાંભળતા જ બેઠકમાં ઉપસ્થિત પાક સેના પ્રમુખ જનરલ કમર જાવેદ બાજવાને પરસેવો વળી ગયો હતો અને બાદમાં આ જ બેઠકમાં વિંગ કમાંડર અભિનંદનને મુક્ત કરવાનો નિર્ણય લેવાયો હતો. આ દાવો પાકિસ્તાનના એક સાંસદે કર્યો છે.

પ્રાપ્ત વિગતો અનુસાર, પાકિસ્તાન મુસ્લિમ લીગ-એન (પીએમએલ-એન)ના નેતા અયાઝ સાદિકે જણાવ્યું કે વિદેશ મંત્રી મહેમૂદ કુરેશીએ એક મહત્વપૂર્ણ બેઠકમાં જણાવ્યું હતું કે, જો પાકિસ્તાન વિંગ કમાંડર અભિનંદનને મુક્ત નહીં કરે તો, ભારત પાકિસ્તાન પર હુમલો કરશે. પીએમએલ-એનના નેતાએ વિપક્ષના નેતાઓને જણાવ્યું કે શાહ મહેમૂદ કુરેશીએ સંસદીય નેતાઓની બેઠક, જેમાં પીપીપી અને પીએમએલ-એનના નેતા તેમજ સેના પ્રમુખ જનરલ કમર જાવેદ બાજવા પણ હાજર હતા, તેમાં વિંગ કમાંડરને મુક્ત કરવા જણાવ્યું હતું.

તેમણે એ દિવસની વાત કરતા વધુમાં જણાવ્યું હતું કે મને યાદ છે કે શાહ મહેમૂદ કુરેશી તે બેઠકમાં હતા જેમા ઇમરાન ખાને સામેલ થવાનો ઇનકાર કરી દીધો હતો અને સેનાના વડા જનરલ બાજવા રૂમમાં આવ્યા હતા, તેમના પગ થરથર કાંપી રહ્યા હતા અને તેમને પરસેવો વળી રહ્યો હતો.

મહત્વનું છે કે, પુલવામામાં CRPF કાફલા પર જૈશ-એ-મોહમ્મદ દ્વારા કરાયેલા આતંકી હુમલા બાદ ભારતે એર સ્ટ્રાઇક કરીને જૈશ-એ-મોહમ્મદના ઠેકાણાને ધ્વસ્ત કર્યા હતા. ભારતે પાકિસ્તાનના એક યુદ્વ વિમાન F-16ને તોડી પાડ્યું હતું અને અન્ય એક યુદ્વ વિમાનને ખદેડતી વખતે અભિનંદ વર્ધમાનના યુદ્વિ વિમાનને તોડી પાડવામાં આવ્યું હતું અને વિંગ કમાંડરને બંધક બનાવી લેવાયો હતો. પાકિસ્તાને ત્યારબાદ અભિનંદનને ભારતને સોંપ્યા હતા.

(સંકેત)

Related posts
INTERNATIONALગુજરાતી

ભારતની રાજદ્વારી જીત - ઈસ્લામિક સહયોગ સંગઠનની બેઠકમાં નહી થાય કાશ્મીર મુદ્દે ચર્ચા

27-28 નવેમ્બરના રોજ ઓઆઈસીની બેઠક પાકિસ્તાનનો મનસુબો થયો નાકામ આ બેઠકમાં કાશ્મીરના મુદ્દાને ઉઠાવવામાં નહી આવે દિલ્હીઃ– નાઈઝરમાં આવનારી 27 અને 28…
INTERNATIONALગુજરાતી

VIDEO: ભારતીય મૂળના સાંસદ ડૉ.ગૌરવ શર્માએ ન્યૂઝીલેન્ડમાં રચ્યો ઇતિહાસ, સંસ્કૃતમાં શપથ ગ્રહણ કર્યા

વિશ્વએ ફરી એક વખત ભારતીય સંસ્કૃતિની લીધી નોંધ ન્યૂઝીલેન્ડમાં ભારતીય મૂળના સાંસદ ડૉ.ગૌરવ શર્માએ ઇતિહાસ રચ્યો તેઓએ ન્યૂઝીલેન્ડની સંસદના સભ્ય તરીકે સંસ્કૃતમાં…
INTERNATIONALગુજરાતી

જો 70% લોકો માસ્ક ફરજીયાત પહેરે તો કોરોના સંક્રમણ અટકી શકે: અભ્યાસ

કોરોના વાયરસનો ફેલાવો અટકાવવા માસ્કની અગત્યની ભૂમિકા જો 70% લોકો માસ્ક ફરજીયાત પહેરે તો કોરોનાને ફેલાતો અટકાવી શકાય: અભ્યાસ માસ્ક કોરોના ફેલાવતા…

Leave a Reply