નવી દિલ્હી, 03 સપ્ટેમ્બર 2026: મહારાષ્ટ્રની મીરા રોડ પોલીસે ઉત્તર પ્રદેશના પ્રયાગરાજમાં ડ્રગ્સના તસ્કરો વિરુદ્ધ મોટી કાર્યવાહી કરી છે. મીરા-ભાયંદર, વસઈ-વિરાર (MBVV) પોલીસની ક્રાઈમ બ્રાન્ચે પ્રયાગરાજમાં ડ્રગ્સ બનાવતી એક મોટી ફેક્ટરીનો પર્દાફાશ કર્યો અને તેને બંધ કરાવી દીધી.
વાસ્તવમાં, જૂન મહિનામાં મહારાષ્ટ્રના નાલાસોપારામાં શરૂ થયેલા આ ડ્રગ્સ કેસની તપાસનું કાર્યક્ષેત્ર મહારાષ્ટ્ર, ગુજરાત અને ઉત્તર પ્રદેશ સુધી વિસ્તરેલું છે. નાલાસોપારામાં 112 ગ્રામ MD (એમડી) ડ્રગ્સ જપ્ત કરવાના મામલે હાથ ધરવામાં આવેલી ઝીણવટભરી તપાસ દરમિયાન, પોલીસે મુંબઈ, જલગાંવ, ગુજરાત, કલ્યાણ, નેરુલ અને ઉત્તર પ્રદેશમાં મોટા પાયે કાર્યવાહી કરી હતી.
3 રાજ્યોમાંથી 21 લોકોની ધરપકડ
આ કેસના સંબંધમાં, પોલીસે ત્રણ રાજ્યોમાં દરોડા પાડીને 21 વ્યક્તિઓની ધરપકડ કરી છે અને અંદાજે 140 કરોડની કિંમતનો નશીલો પદાર્થ જપ્ત કર્યો છે. તપાસમાં કલ્યાણની કુખ્યાત ‘ઝાલિમ ગેંગ’ તેમજ એક એન્જિનિયર સહિત ઉચ્ચ શિક્ષિત વ્યક્તિઓની સંડોવણી બહાર આવી છે. પોલીસ આ મામલાની તમામ પાસાઓથી તપાસ કરી રહી છે.
આ કાર્યવાહી અંગે ANI સાથે વાત કરતા પોલીસ કમિશનર કૌશિકે જણાવ્યું હતું કે, ડ્રગ નેટવર્કની તપાસના ભાગરૂપે ક્રાઈમ બ્રાન્ચની એક ટીમે પ્રયાગરાજની મુલાકાત લીધી હતી અને આ ઉત્પાદન ફેક્ટરીને સંપૂર્ણપણે તોડી પાડી હતી.
વધુ વાંચો: તેલંગાણાના પ્રાચીન ‘ગોનલાલા ગુડી મંદિર’ને રાષ્ટ્રીય મહત્વના સ્મારક તરીકે જાહેર કરવામાં આવ્યું
 પોલીસ){kind=link}